Að skrá sig inn í umboði sem þér hefur verið veitt

Ef einhver hefur veitt þér umboð færðu upplýsingar um gildissvið umboðsins í upplýsingapósti frá Ísland.is. Þá getur þú sinnt þeim erindum fyrir hönd viðkomandi.

Auðvelt er að virkja umboðið:

Einstaklingur sem fær umboð getur einnig eytt því á Mínum síðum.

Að skrá sig inn fyrir hönd barna

Foreldrar eru sjálfkrafa með umboð fyrir börn sín til 18 ára aldurs. Foreldrar og aðrir forsjáraðilar geta skráð sig inn á Mínar síður fyrir hönd barna sinna, óháð búsetu.

Kerfið sækir upplýsingar um forsjártengsl til Þjóðskrár. Ef þú sérð ekki nafn barnsins, þar sem forsjártengsl eru til staðar, þarftu að hafa samband við Þjóðskrá.

Veita umboð á pappír

Einstaklingar sem ekki eiga rafræn skilríki geta skráð umboðsmann til að sinna málum fyrir sína hönd með því að skila inn umsókn til Ísland.is.

Sá sem fær umboðið getur í kjölfarið skráð sig inn sig á Mínar síður viðkomandi og framkvæmt þær aðgerðir sem umboðið nær til.

• Þetta umboð veitir aðeins aðgang að stafrænum þjónustum opinberra aðila sem hafa tengst Umboðskerfi Ísland.is, en ekki öðrum þjónustum eða kerfum. Yfirlit yfir aðila sem tengst hafa kerfinu er að finna undir hnappnum Aðgangsstýring á Mínum síðum.

Aðeins einstaklingar geta veitt umboð til annara einstaklinga á pappír, umsókn þessi er ekki ætluð fyrirtækjum.

Umsóknarferlið er í nokkrum einföldum skrefum:

Alltaf er hægt að afturkalla umboðið í gegnum Aðgangsstýringu á Mínum síðum Ísland.is eða í persónu hjá embættum sýslumanna víðsvegar um landið.

Umboð persónulegs talsmanns

Lögráða einstaklingar sem vegna fötlunar eiga erfitt með að gæta hagsmuna sinna eiga rétt á að velja persónulegan talsmann sér til aðstoðar. Sýslumenn halda utan um samninga á milli einstaklinga og persónulegra talsmanna en sótt er um slíka samninga á vef sýslumanna.

Persónulegur talsmaður getur til dæmis skráð sig inn á Mínar síður á Ísland.is fyrir hönd þeirra sem hann aðstoðar ef samningurinn tilgreinir þau réttindi.

Sýslumenn veita nánari upplýsingar um hlutverk persónulegra talsmanna og afturköllun slíkra umboða.