Gagnagátt er „mínar síður“ fyrir heilbrigðisstarfsmenn og rekstraraðila sem eru í viðskiptum við Sjúkratryggingar.

Innskráning á Gagnagátt notar innskráningarþjónustu Ísland.is, hægt er að skrá sig inn sem Einstaklingur eða Umboð gegnum Ísland.is. Allur almennur aðgangur fer í gegnum Einstaklingur en einstaklingar sem hafa umboð fyrir fyrirtæki / stofnun í gegnum Ísland.is þurfa að nota Umboð gegnum Ísland.is.

Einstaklingar sem eru skráðir sem aukanotendur skrá sig inn sem Einstaklingur.

Hægt er að skrá sig inn með rafrænum skilríkjum, skilríki í appi eða skilríki á korti. Þeir sem skrá sig inn sem Einstaklingur fara beint inn á gáttina nema sé um fleiri en einn aðgang að ræða og birtist þá valsíða til að velja réttan aðgang.

Þeir sem skrá sig inn í gegnum Umboð gegnum Ísland.is fá upp valmynd þar sem einstaklingur þarf að velja í hvaða umboði hann er að skrá sig inn á gáttina.

Þegar komið er inn á forsíðu Gagnagáttar er rétt að smella á Stillingar. Fara yfir skráningarsvæðin og tryggja sérstaklega að rétt netfang og bankaupplýsingar séu skráðar.

Sjálfgefið er merkt við að fyrirtæki vilji fá tölvupóst þegar nýtt skjal er birt í gáttinni, en hér er hægt að merkja við nei og þá verður ekki sendur tölvupóstur þegar nýtt skjal er tengt við gáttina.

Getur til dæmis átt við ef fyrirtæki sem er í miklum samskiptum við Sjúkratryggingar og er að fá oft bréf í gáttina.

Undir Þjónusta SÍ birtist allur sá aðgangur sem er á viðkomandi aðgangi. Ef ýtt er á heiti flokks, eins og Skjöl þá opnast fleiri valmöguleikar þar undir.

Undir Skjöl opnast gluggi þar sem m.a. er hægt að smella á Bréf. Sjálfgefið birtast öll
„ólesin“ bréf, en hægt er að greina á milli lesinna og ólesinna bréfa á því að línan fyrir ólesnu bréfin er feitletruð. Um leið og búið er að opna bréfið verður letrið venjulegt og þau hverfa úr þessari mynd. Til að sjá og leita að bæði lesnum og ólesnum bréfum er hakað í Virkja leitarskilyrði og er þar hægt að velja dagsetningu þess tímabils sem á að leita í.

Ef smellt er á heiti dálks (til dæmis Kennitala) þá er bréfum raðað frá lægsta gildi til þess hæsta. Eins og sést hér á mynd fyrir neðan er röðunin eftir Dagsetning og birtist þá ör niður fyrir aftan nafnið. Dálkurinn Heiti gefur til dæ uppmislýsingar um uppruna bréfsins, það er úr hvaða málaflokki Sjúkratrygginga bréfið berst. Heiti og tegund gefa notendum möguleika á að flokka bréfin og einfalda þeim að nálgast bréf sem þeir þurfa að skoða.

Ef smellt er á „Prenta“ hnappinn þá eru upplýsingarnar í glugganum prentaðar. Við hverja línu bréfs er merki sem sýnir á hvaða formi bréfið er. Með því að smella á táknmyndina fyrir .pdf skrár, þá er bréfið sótt niður á tölvuna og hægt að opna.

Ath. Ef starfsmenn Sjúkratrygginga skrá skýringu með bréfinu birtist i fyrir ofan táknmyndina fyrir pdf skjöl.
Með því að setja bendilinn yfir (i) birtist skýringin.

Til að nálgast greiðsluskjöl/kvittanir er smellt á Greiðsluskjöl undir Skjöl. Þar birtast öll greiðsluskjöl sem sent hafa verið á kennitölu sem er á bakvið viðkomandi aðgang.

Táknmyndirnar sem birtast fyrir aftan reitinn fyrir fjárhæðir hafa eftirfarandi skýringu.

Viðkvæmustu flokkar bréfa eru aðgangsstýrðir niður á aukanotendur. Aðalnotandi sér öll skjöl sem birt eru í Gagnagátt en aukanotendur sjá ekki skjöl í þeim málaflokkum sem eru aðgangsstýrðir nema sé opnað fyrir það. Á þetta við alla þrjá flokkana: Greiðsluskjöl, Mín skjöl og Bréf.
Til viðkvæmustu flokkana teljast meðal annars: Slysatryggingar, Sjúklingatrygging og Meðferðir erlendis.

Hafa þarf samband við hjalp@sjukra.is til að opna á sýn fyrir aðgangsstýrða málaflokka undir skjölum.

Skráning aukanotanda fer í gegnum Úthlutun á aðgangi og er sá valmöguleiki einungis opinn fyrir þann aðila sem hefur aðgang að skilríkjum fyrirtækis nema að ósk komi frá forráðamanni fyrirtækis / stofnunar að opnað sé á þennan aðgang að aukanotanda og er það einungis gert með staðfestingu yfirmanns.

Undir Skjalaskil – Rafræn skil á skrá er hægt að skila inn gögnum á öruggan rafrænan hátt til Sjúkratrygginga.

Undir Tegund skila er hægt að velja þann málaflokk sem á að senda gögn á. Ef enginn flokkur er í boði eða vantar inn réttan flokk er hægt að senda póst á hjalp@sjukra.is og óska eftir því að opnað sé fyrir viðeigandi flokk skila. Hægt er að skrá skýringu inn undir Skýring en sá reitur er valkvæður.

Skjalið sem á að senda er valið og það dregið yfir gluggann Skrár til að skila. Einnig er hægt að ýta á Finna skrá, þá opnast gluggi þar sem hægt er að finna skjalið/skjölin sem á að senda. Hægt er að velja mörg skjöl í einu. Ef rangt skjal hefur verið valið þá er hægt að „eyða“ því áður en sent er með því að smella á rautt X undir Aðgerðir.

Til að ganga frá sendingunni skal ýta á hnappinn Senda. Staðfesting á móttöku skjalanna birtist og skjölin birtast undir Innsendar skrár.

Um er að ræða skilmála sem gilda um notkun og aðgang að Gagnagátt Sjúkratrygginga. Skilmálar þessir taka gildi gagnvart notanda þegar viðkomandi hefur samþykkt þá.