Landspítali
Umsóknir
Sérnámsstöður á Landspítala eru auglýstar samkvæmt samræmdu ráðningarferli fyrir Landspítala og Sjúkrahúsið á Akureyri. Sérnámsstöður lækna eru auglýstar tvisvar á ári í janúar og september.
Gert er ráð fyrir að sérnámslæknar hefji störf í byrjun mars og í lok júní árlega. Gerð er krafa um að nýir sérnámslæknar mæti á formlega móttökudaga sem eru kynntir þegar nær dregur.
Inntökuskilyrði
Til að geta hlotið ráðningu í sérnámsstöðu þarf að uppfylla eftirfarandi skilyrði:
Hafa lokið sérnámsgrunni eða sambærilegu starfsnámi sem samþykkt hefur
verið að kennsluráði sérnámsgrunnsAð læknir hafi almennt lækningaleyfi á Íslandi
Að lágmarki B2 í tungumálafærni á íslensku fyrir þá sem við á
Allir umsækjendur sem uppfylla skilyrði um ráðningu eru boðaðir í viðtal með yfirlækni og kennslustjóra. Þeir skulu vera ótengdir umsækjanda. Mat á hæfi læknis skal vera hlutlægt og byggja á eftirfarandi þáttum hið minnsta:
Ferilskrá og mati á henni.
Einkunnum á embættisprófi og stöðluðum prófum í læknisfræði.
Fyrri störfum að rannsóknum, kennslu og öðrum verkefnum sem þýðingu hafa
og fram koma í ferilskrá.Umsögnum og meðmælum fyrri leiðbeinenda eða vinnuveitenda.
Frammistöðu í viðtali þar sem m.a. er tekið tillit til viðhorfs áhuga og þekkingar umsækjenda á faginu, svo og sýn hans á stöðu sinni innan læknisfræðinnar og myndgreiningar í nútíð og framtíð.
Móttökudagar:
Nýráðnir fá boð á móttökudag og er skyldumæting þar. Móttökudagar eru venjulega haldnir í september og febrúar.
Næsti móttökudagur verður 26. febrúar 2026, fyrir þá sem hefja sérnám í byrjun árs 2026.