Jafnréttisstofa

Skólar

Jafnrétti snertir allt skólastarf.
Því þarf að fjalla um jafnrétti í skólum, bæði oft og á mörgum sviðum.
Jafnrétti á einnig að vera hluti af andrúmslofti og menningu hvers skóla.

Það er skylda hvers skóla að fræða nemendur um janfrétti kynjanna og að undirbúa nemendur til jafnrar þátttöku í fjölskyldu- og atvinnulífi.

Mikilvægt er að hafa eftirfarandi í huga:

Samþættingar kynja- og jafnréttissjónarmiða skal gætt við alla stefnumótun og áætlanagerð í skóla- og uppeldisstarfi, þar á meðal á frístundaheimilum og í íþrótta- og tómstundastarfi.
Á öllum skólastigum skulu nemendur hljóta jafnréttis- og kynjafræðslu við hæfi þar sem meðal annars er kennt um kynjaðar staðalímyndir, kynbundið náms- og starfsval og málefni fatlaðs fólks og hinsegin fólks.
Tryggja að öll kennslu- og námsgögn mismuni ekki kynjum.
Í náms- og starfsfræðslu og við ráðgjöf í skólum skulu nemendur hljóta fræðslu og ráðgjöf í tengslum við sömu störf, óháð kyni.

Fræðsla og útgefið efni

Jafnréttisfræðsla í skólum

Síðan fyrstu jafnréttislögin voru sett árið 1976 hefur íslenskum skólum verið skylt að fræða nemendur um jafnrétti kynjanna og undirbúa bæði stráka og stelpur til jafnar þátttöku í fjölskyldu‑ og atvinnulífi.

Stopp ofbeldi!

STOPP OFBELDI! Fræðsluefni um kynferðislegt og kynbundið ofbeldi og áreitni frá Menntamálastofnun

Jafnrétti – Rit um grunnþætti menntunar

Í ritinu er fjallað um jafnréttismenntun á öllum skólastigum og hvernig skapa má tækifæri í skólastarfi fyrir alla til að þroskast á eigin forsendum í anda umburðarlyndis og jafnréttis. Þetta er sjötta heftið í ritröð um grunnþætti menntunar.

Leiðbeiningar fyrir kennara um hvernig ræða má jafnrétti kynjanna og kynbundið starfsval

Þessar leiðbeiningar voru unnar sem hluti af verkefninu BREAK! – Unnið gegn kynbundnum staðalmyndum í Evrópu með námi þvert á miðla (2017–2019), með það að markmiði að auka meðvitund fólks um mikilvægi jafnræðis og jafnra tækifæra.

Leiðbeiningar fyrir starfsráðgjafa um hvernig ræða má jafnrétti kynjanna og kynbundið starfsval

Allir eru góðir í einhverju og hver einasta manneskja skiptir máli! Eitt af því sem gefur lífinu gildi er að átta sig á eigin sérstæði og nýta það með sem bestum hætti til þess að öðlast hamingju og vera samfélaginu til góðs.

Kynungabók

Markmið Kynungabókar eru að veita raunsæja mynd af stöðu kynjanna í samfélaginu, sýna að jafnréttismál varða alla, hvetja ungt fólk til að hugsa um áhrif kynferðis á líf sitt, fjalla um hvernig kyn mótast af menningu, umhverfi og tíma, og auka meðvitund ungs fólks um eigin réttindi.

Hvers vegna ekki?!

HVERS VEGNA EKKI?! er skemmtileg og metnaðarfull sjónvarpsþáttaröð sem hefur notið mikilla vinsælda víða í Evrópu og hlotið fjölmargar viðurkenningar. Þættirnir fylgja ævintýralegri sögu Önnu Sooväli, sem fer frá því að vera „bekkjarlúðinn“ í að verða ofursvala rappstjarnan

Fræðsla og útgefið efni fyrir leikskólastigið

Kennsluleiðbeiningar

Sá sem ætlar að nýta bókina í vinnu með börnum þarf að vera mjög meðvitaður um álitamálin ef bókin á að nýtast eins og til er ætlast.

Þegar Friðrik var Fríða

Bókin endurspeglar veruleikann eins og hann er, það er að stelpur og strákar fá mismunandi skilaboð, frá öðrum börnum og frá fullorðnum. Það er til dæmis í lagi fyrir stelpur að vera „strákalegar“ en það er ekki í lagi fyrir stráka að vera „stelpulegir“.

Þegar Rósa var Ragnar

Með markvissri fræðslu og umræðu frá upphafi skólagöngu færum við ungu fólki tækifæri til að taka ákvarðanir varðandi framtíð sína á eigin forsendum, óháð staðalmyndum kynjanna og hefðbundnu starfsvali. Það mun nýtast þessum einstaklingum auk þess sem hæfi leikar þeirra munu gagnast samfélaginu í heild.