Fyrsta heildarúttektin á vistkerfi skóga í Reykjavík er kynnt í nýrri grein í tímaritinu Arboricultural Journal. Þar kemur í ljós að lítill skógur er í Reykjavík miðað við flestar evrópskar borgir. Niðurstöður rannsóknarinnar geta nýst til að þróa trjáverndarstefnu fyrir íslenskt þéttbýli og alhliða aðferðir til ræktunar og umhirðu trjáa í borg og bæ.

Blaðlýs virðast vera helsti skaðvaldurinn á plöntum í Surtsey í ár en beit þeirra var þó ekki mikil, samkvæmt rannsóknum Brynju Hrafnkelsdóttur, skordýrafræðings hjá Landi og skógi, sem vann meðal annars að skrásetningu blaðlúsa og annarra beitarskordýra í eynni nú í júlímánuði.