Áburðarreiknivélin reiknar út kostnað og kolefnisspor við nýtingu mismunandi lífrænna áburðartegunda. Ýmsar forsendur um efnin, svo sem efnainnihald, flutningstækni, dreifingartækni og afköst, eru forskráðar í reiknivélinni og þeim er ekki hægt að breyta.
Til að nota reiknivélina þarf að velja gildi fyrir nokkrar breytur og niðurstöður birtast jafnóðum í töflu- og myndformi.
Velja eina af 14 mismunandi tegundum lífræns áburar: bokashi-moltu, fiskeldisúrgang, fiskislóg, gor, hrossatað, hænsnaskít, kjúklingaskít, kjötmjöl, kúamykju, moltu, sauðatað, seyru, svartvatn eða svínaskít.
Færa inn stærð uppgræðslusvæðir í hekturum.
Færa inn kíló niturs á hektara sem á að dreifa á viðkomandi uppgræðslusvæði.
Fyrir lífrænan áburð skal velja 150 kíló niturs á hektara.
Færa inn hversu marga kílómetra þarf að aka með lífrænan áburð þaðan sem hann er fenginn og að uppgræðslusvæði.
Færa inn hversu marga kílómetra þarf að aka með tilbúinn áburð frá uppskipunarhöfn að uppgræðslusvæði.
Þá er gert ráð fyrir að lífrænum áburði sé öllum dreift í einu, en dreifingu tilbúna áburðarins skipt á þrjú ár, 50 kíló niturs á hektara hvert ár, til að ná sama markmiði.
Þetta gæti þótt undarlegt, en þar sem áburðarefnin úr lífræna áburðinum eru lengur að leysast upp en úr þeim tilbúna þá endast áburðaráhrif þess lífræna lengur. Tilbúinn áburður leysist hratt upp og ef dreift væri 150 kílóum niturs á hektara af honum í einu, færi mest af honum til spillis og myndi skolast út án þess að plöntur næðu að nýta hann.
Niðurstöður um þann lífræn áburð sem notandinn hefur valið að nota eru bornar saman við sams konar niðurstöður fyrir tilbúinn áburð. Settar eru fram tölur um kostnað og losun bæði í töflu og á súluriti. Að lokum er framkvæmd einföld næmnigreining sem sýnir kostnað og kolefnislosun allra efna á sömu forsendum og ef þau væru öll fáanleg á sama stað, það er að segja ef ekki þyrfti að taka tillit til flutnings efnanna.
Skoða áburðarreiknivél
Reiknivélin var unnin í samstarfi við Verkfræðistofuna EFLU.
