Hópur skógfræðinga og skógarbænda kom saman á skógardegi á Silfrastöðum í Skagafirði sunnudaginn 8. febrúar til skrafs og ráðagerða um þróun aðferða við umhirðu furuskóga. Mikilvægt er að meta vandlega hvaða möguleikar búa í hverjum reit. Þar sem stefnt er að ræktun gæðaviðar er mælt með því að markviss umhirða hefjist fáeinum árum eftir gróðursetningu. Þannig megi fá sem mest verðmæti með hóflegri fyrirhöfn.