Greiðsluaðlögun - úrræði við skuldavanda

Umsjónarmaður er lögfræðingu á vegum umboðsmanns skuldara. Umsjónarmaður annast samningsviðræður við kröfuhafa og gerir tillögu að samning í samráði við þig.

Hlutverk umsjónarmanns er að gera tillögu að samningi til greiðsluaðlögunar í samvinnu við umsækjanda og annast samningaviðræður við kröfuhafa.

Umsjónarmaður er skipaður um leið og umsókn um greiðsluaðlögun er samþykkt.

Sami lögfræðingur og samþykkir umsókn er alla jafnan skipaður umsjónarmaður.

Mikilvægt er að umsækjandi sinni samskiptum við umsjónarmann vel.

Sýni umsækjandi ekki samstarfsvilja kann það að leiða til þess að greiðsluaðlögunarumleitanir verði felldar niður.

Í greiðsluaðlögun er veitt tímabundið hlé frá innheimtuaðgerðum. Þetta er kallað greiðsluskjól.

Í greiðsluskjóli fæst svigrúm til að endurskipuleggja fjármál og leita lausna á skuldavanda.

Greiðsluskjól varir frá því umsókn er samþykkt og þar til samningar nást.

Nánari upplýsingar um ábyrgð og skyldur í greiðsluskjóli.

Umsjónarmaður birtir auglýsingu í Lögbirtingablaði. Það er gert til að kanna hvort það séu fleiri kröfur sem tilheyra þér. Þetta er kallað innköllun.

Fólk eða fyrirtæki, sem telja sig eiga kröfu á þig, geta þá lýst henni yfir. Til þess hafa þau 3 vikur.

Með því að lýsa kröfu, fá kröfuhafar sem málið varða, rétt til að hafa afskipti af samningsgerðinni.

Í samráði við þig, stillir umsjónarsmaður upp tillögu að samningi.

Samningur tekur mið af aðstæðum þínum, greiðslugetu og umfangi skulda.

Samið er til dæmis um:

• eina fasta mánaðarlega greiðslu

• frestun á greiðslum í ákveðinn tíma

• algjöra eftirgjöf eða niðurfellingu á skuld

Nánari upplýsingar um samninga.

Tillaga er send á alla kröfuhafa sem hafa 2 vikur til að bregðast við.