Greiðsluaðlögun - úrræði við skuldavanda

Í samningi um greiðsluaðlögun er mögulegt að gera ráð fyrir að umsækjandi haldi eignum til dæmis bíl og fasteign.

Það er hlutverk umsjónarmanns að meta hvort selja skuli þær eignir skuldara sem umsjónarmaður telur af sanngirni og með hliðsjón af greiðslugetu og fjölskylduaðstæðum að skuldari geti verið án.

Heimildir eru í lögum um greiðsluaðlögun einstaklinga sem ætlað er að koma til móts við fasteignaeigendur í tímabundnum vanda.

Hægt er að kveða á um:

• Tímabundið lægri mánaðarlega afborgun af veðkröfum

• Tímabundinn gjaldfrest af veðkröfum ef óveruleg eða engin greiðslugeta er til staðar

Yfirveðsettar fasteignir

Einstaklingar geta óskað eftir lækkun á veðsetningu fasteignar þannig að hún miðist við markaðsverðmæti fasteignar að uppfylltum ákveðnum skilyrðum.

Þetta er gert samhliða greiðsluaðlögunarumleitunum.

Til baka: Samningur

Áfram: Ef aðstæður breytast