Greiðsluaðlögun - úrræði við skuldavanda
Á þessari síðu
Almennt
Greiðsluaðlögun er úrræði fyrir einstaklinga í verulegum greiðsluerfiðleikum og byggist á lögum nr. 101/2010
Markmið greiðsluaðlögunar er að ná jafnvægi milli skulda og greiðslugetu með samningi við kröfuhafa.
Greiðsluaðlögun leysir mögulega fjárhagsvanda umsækjanda án þess að þurfa að leita leiða á borð við gjaldþrotaskipti.
Greiðsluaðlögun er ókeypis.
Hjón eða einstaklingar í óvígðri sambúð geta í sameiningu leitað greiðsluaðlögunar
Fyrir fólk í verulegum fjárhagsvanda
Greiðsluaðlögun er kostur fyrir fólk sem:
hefur margar fjárhagslegar skuldbindingar
sér ekki fram á að geta borgað skuldir sínar, til dæmis vegna þess að greiðslubyrði er of há
Ef þú ert óviss hvort greiðsluaðlögun henti þér, getur þú haft samband við umboðsmann skuldara (UMS) í síma 512 6600
Þú getur einnig pantað símtal og fengið nánari upplýsingar um þjónustu umboðsmanns skuldara.
Kostir
Einstaklingur sýnir viðleitni til að semja og efna skuldbindingar sínar.
Ef greiðslugeta er til staðar borgar einstaklingur mánaðarlega upphæð til banka á meðan samningur er í gildi. Bankinn sér um að miðla greiðslum til kröfuhafa.
Ef samningur næst um greiðsluaðlögun eru kröfur ekki lengur í vanskilum.
Hægt er óska eftir breytingu á samningi ef aðstæður breytast á tímabili samnings.
Hvernig virkar greiðsluaðlögun?
Þú sækir um og UMS metur hvort þú uppfyllir skilyrði.
Ef umsókn er samþykkt hefur UMS milligöngu um að gera samning við þá sem þú skuldar (kröfuhafa).
Áhrif greiðsluaðlögunar?
Samningur um greiðsluaðlögun leiðir til þess að færslur á vanskilaskrá eru afskráðar vegna krafna sem samningurinn tekur til. Greiðsluaðlögun hefur almennt neikvæð áhrif á lánshæfismat og þannig lánsmöguleika í tiltekinn tíma. Vakin skal samt athygli á því að Creditinfo er óheimilt að nýta upplýsingar um greiðsluaðlögunina (innköllun í Lögbirtingablaði) í skýrslu um lánshæfi þegar eitt ár er liðið frá því að innköllunin var gefin út.
Áfram: Umsóknarferlið
Þjónustuaðili
Umboðsmaður skuldara