Erfðafjárskattur

Við skipti á dánarbúi skal skrá eignir og skuldir miðað við verðmæti þeirra á dánardegi.

Við fyrirframgreiðslu arfs skal skrá eignir miðað við stöðu þeirra þann dag sem sýslumaður áritar erfðafjárskýrslu.

Ef maki hefur fengið útgefið leyfi til setu í óskiptu búi og skipti fara fram á meðan hann er enn á lífi skal skrá eignir og skuldir miðað við stöðu þeirra þann dag sem sýslumaður áritar erfðafjárskýrslu.

Ef maki hefur fengið útgefið leyfi til setu í óskiptu búi og skipti fara fram eftir andlát beggja hjóna skal skrá eignir og skuldir miðað við stöðu þeirra á dánardegi langlífari maka. Við skipti á sameiginlegu búi hjóna skal gera eina erfðafjárskýrslu án tillits til þess hvort erfingjar beggja hjóna eru hinir sömu eða ekki.