Greiðsluþátttaka vegna einnota hjálpartækja

Blóðstrimlar og blóðhnífar

Greiðsluþátttaka er 90% en að hámarki 6.500 krónur fyrir pakka (50 stykki) af blóðstrimlum.

Samþykkt magn fer eftir:

• hvort að um sé að ræða sykursýki týpu 1, sykursýki týpu 2 eða meðgöngusykursýki

• hvort að notaður sé blóðsykur síriti vegna sykursýki (á helst við um týpu 1)

• hvaða lyf einstaklingur tekur vegna sykursýki (á við um týpu 2)

• mæligildi blóðsykur (HbA1c) þegar um er að ræða týpu 2

Blóðketónstrimlar

Blóðketóstrimlar eru fyrir einstaklinga með sykursýki týpu 1. Greiðsluþátttaka er 90% en að hámarki 12.500 krónur fyrir pakkningu.

Samþykkt magn eru 100 strimlar á 12 mánaða tímabili.

Mælar til blóðsykurs- og blóðketónmælinga

Styrkur er 50% en þó að hámarki 11.600 krónur og er hann veittur á þriggja ára fresti. Heilsugæslustöðvar lána blóðsykursmæla vegna meðgöngusykursýki.

Lyfjapennar

Styrkir eru veittir til kaupa á lyfjapennum fyrir einstaklinga sem fá insúlín. Greiðsluþátttaka er 90% en að hámarki 26.771 krónur fyrir lyfjapenna.

Samþykkt magn er:

• tveir á ári

• fjórir á ári þegar bæði hraðverkandi og langverkandi insúlín er notað

Einnota nálar

Styrkir eru veittir til kaupa á einnota nálum vegna stungulyfja. Greiðsluþátttaka er 90% og sendir læknir inn umsókn.

Insúlíndælur og nemar sem skanna/sírita blóðsykur

Insúlíndælur og nemar sem skanna/sírita blóðsykur er fyrir einstaklinga með sykursýki týpu 1.

Fyrsta umsókn kemur frá innkirtlasérfræðingi en umsókn um endurnýjun getur einnig komið frá hjúkrunarfræðingi á göngudeild sykursjúkra, upplýsingar um tegund nema þarf að fylgja með.

Seljendur geta sótt um endurnýjun á sendi.

Samningar um insúlíndælur og nema eru við:

• AZ Medica, Skemmuvegi 6, 200 Kópavogi, sími 564-5055

• Fastus, Höfðabakka 7, 110 Reykjavík, sími 580-3900