Viðgerðarþjónusta fyrir hjálpartæki

Hægt er að hringja í Neyðarþjónustuna: 

Öryggisaðstoð: Öryggismiðstöð Íslands. Sími: 515 0120. 

• Mánudaga til Föstudaga frá 17:00 - 00:00 

• Laugardaga og Sunnudaga frá 9:00 - 00:00 

Tækniaðstoð: Fastus. Sími: 580 3940 

• Föstudaga frá 16:00 - 21:00 

• Laugardaga og Sunnudaga frá 9:00 - 21:00 

Neyðarþjónusta er einungis fyrir alvarlegar aðstæður þegar notandi er ósjálfbjarga í hjálpartæki sínu. Tækið hefur bilað og notandi getur ekki leitað aðstoðar hjá aðstoðarfólki sínu eða sínum nánustu. Öryggis-vörður/verðir kemur/koma á staðinn og aðstoða notanda í slíkum tilfellum.  

Neyðaraðstoð felur ekki í sér viðgerð á hjálpartæki. 

Dæmi um hvenær á að hringja í neyðarþjónustu:  

• Sjúkrarúm sem er fast í efstu stöðu. 

• Veggföst lyfta sem bilar. 

• Notandi er fastur í segli í lyftara. 

Neyðarþjónusta nær til bilunar í rafknúnum hjálpartækjum eins og: 

• Sjúkrarúmum. 

• Lyfturum. 

• Rafmagnhjólastólum. 

• Rafskutlum. 

• Sérbúnaði bifreiða.

Ef tækið þitt bilar, athugar þú fyrst hjá seljanda/innflutningsaðila (sjá límmiða á tækinu) hvort tækið sé í ábyrgð (oftast 2. ár frá kaupum) og ber seljenda þá að gera við það. Ef tækið er ekki í ábyrgð, þá sér seljandi um viðgerð, eða vísar þér á aðila sem er með viðgerðarsamning við Sjúkratryggingar (t.d. úti á landi). Listar yfir aðila með viðgerðarsamning við  Sjúkratryggingar: 

Höfuðborgarsvæðið: 

• Fastus ehf. 

• For Motion (Össur Iceland Clinic ehf.) 

• Icepharma hf. 

• Mobility ehf. 

• Rekstrarvörur ehf. 

• Stoð hf., Stoðtækjasmíði 

• Stuðlaberg heilbrigðistækni ehf. 

• Títus ehf. 

• Öryggismiðstöð Íslands hf. 

Utan höfuðborgarsvæðisins 

• Vesturland: Rafskaut ehf., Ísafirði 

• Norðurland: Rafeyri ehf., Akureyri, Húsavík og Þórshöfn 

• Austurland: Rafey ehf., Egilsstöðum 

• Suðurland: Geisli ehf., Vestmannaeyjar 

• Notandi hjálpartækisins þarf að vera skráður fyrir því.  

• Viðgerð þarf að vera gerð hjá fyrirtæki sem er með viðgerðasamning við Sjúkratryggingar Íslands og/eða af viðurkenndum aðilum. Oftast eru þetta söluaðilar/innflytjendur tækjanna og/eða aðilar á þeirra vegum (sjá lista hér að ofan) 

• Blað eða límmiði þarf að fylgja með tækinu með upplýsingum um nafn notanda, kennitölu og lýsingu á því sem þarf að laga. 

Bæklunarskór 

• Sjúkratryggingar greiða viðgerð ef slit á skóm er ótvírætt afleiðing sjúkdómsástands, til dæmis hjá einstaklingum með spastískt göngulag vegna heilalægrar lömunar (CP) 

• Að hámarki er greitt fyrir fjórar viðgerðir á ári á skóm. 

Gervilimir 

• Sjúkratryggingar greiða 100% kostnað við fyrstu tvær viðgerðir á gervilimum. 

• Eftir þær greiða Sjúkratryggingar 70% af kostnaði og notandi 30%.  

Spelkur 

• Sjúkratryggingar greiða 100% kostnað við fyrstu tvær viðgerðir á spelkum. 

• Eftir þær greiða Sjúkratryggingar 70% af kostnaði og notandi 30%.  

Hvernig kem ég tækinu í viðgerð? 

• Ef tækið er of stórt fyrir venjulegan fólksbíl þá mun viðgerðaraðili sækja tækið og senda það aftur eftir að lokinni viðgerð.. 

• Ef tækið er veggfest eða stórt (eins og t.d. sjúkrarúm) þá mun viðgerðarmaður koma í heimahús og gera við tækið.