Skil á hjálpartækjum

Skila þarf hjálpartækjum í eigu Sjúkratrygginga sem hægt er að endurnýta.

Hvaða hjálpartækjum þarf að skila?

Öllum tækjum með skilaskyldulímmiða ber að skila.

Þetta á meðal annars við um allar göngugrindur, nema lágar göngugrindur, þ.e. skila þarf:

• háum göngugrindum með framhandleggsstuðningi

• barnagöngugrindum

• gas- og rafmagnsknúnum göngugrindum

Hvaða hjálpartækjum þarf ekki að skila?

• Notuðum salernisupphækkunum og armstoðum.

• Bað- og sturtuhjálpartækjum án rafmagns.

• Snúningslökum og skífum.

• Sokkaífærum.

• Griptöngum.

• Flutningsbrettum.

Notendur geta átt þessi tæki eða skilað þeim til endurvinnslustöðva.

Hvert skila ég hjálpartækjum?

• Hægt er að skila tækjum til Hjálpartækjamiðstöðvar Sjúkratrygginga (Vínlandsleið 6-8, 113 Reykjavík). Skilin eru sjálfvirk og nýta rafræn skilríki notenda eða þess sem skilar fyrir hans hönd.

• Ef þú ert utan höfuðborgarsvæðisins þá geturðu sent tækið til Sjúkratrygginga með Eimskip Flytjanda. Þú greiðir ekki fyrir sendinguna.

• Utan höfuðborgarsvæðisins sér Eimskip Flytjandi einnig um að sækja heim stærri hjálpartæki eins og rúm sem komast ekki fyrir í venjulegum bílum.

• Mikilvægt er að kennitalan þín fylgi með tækinu sjálfu svo Sjúkratryggingar skrái skilin rétt.