Með framsetningu mannaflaspár geta stjórnendur metið hvers kyns þekkingu og mannauð þróa þarf innan stofnunar til lengri tíma. Mannaflaspá byggir á greiningu á hlutverki og markmiðum stofnunar, kröfum sem áætlað er að verði gerðar til stofnunarinnar í framtíðinni sem og hæfni og færni sem starfsfólk hennar þarf að búa yfir til að uppfylla þær.

Eftirfarandi spurningum er gjarnan velt upp við mótun mannaflaspár:

• Hvernig er núverandi samsetning starfsmanna með tilliti til menntunar og hæfni?

• Hvaða breytingar eru fyrirsjáanlega á næstu fimm árum í starfsmannahópnum?

  • Eru einhverjir starfsmenn á leið á eftirlaun?

  • Hvaða menntun, hæfni og reynsla hverfur með þeim?

Góð mannaflaspá gefur stofnun færi á að vera viðbúin breytingum í starfsmannahópnum og ráða til sín rétta starfsfólkið eða þjálfa núverandi starfsfólk svo það geti tekið að sér ný eða breytt verkefni.