Umgengni barns

Dagsektir

Ef forsjáraðili meinar þeim sem á umgengnisrétt að hitta barn getur sýslumaður lagt dagsektir á forsjáraðilann. Sektin er allt að 30.000 kr. fyrir hvern dag sem umgengni er hindruð og telst frá þeim degi sem sýslumaður úrskurðar og þar til hætt er að hindra umgengni. Sá sem er meinað að hitta barnið þarf að fylla út beiðni til sýslumanns um álagningu dagsekta vegna hindraðrar umgengni.

Aðför

Ef forsjárforeldri heldur áfram að hindra umgengni þrátt fyrir dagsektir getur dómari úrskurðað að umgengni verði komið á með þeim hætti að barn sé tekið úr umsjá forsjárforeldrisins. Ef til þessa kemur á barnaverndarnefnd að vera viðstödd og aðstoða barnið. Ef þörf er á aðstoð lögreglu eiga lögregluþjónar að vera óeinkennisklæddir.