Sumarstörf - Sjúkraliðar/sjúkraliðanemar í heimahjúkrun HSN Akureyri

Heilbrigðisstofnun Norðurlands (HSN) á Akureyri óskar eftir sjúkraliðum og sjúkraliðanemum í sumarafleysingar í heimahjúkrun. Ráðningartími er frá miðjum maí til 15. september 2026 eða samkvæmt samkomulagi.

Heimahjúkrun HSN veitir faglega, persónulega og heildstæða heilbrigðisþjónustu í heimahúsum skjólstæðinga. Lögð er rík áhersla á að styðja við sjálfstæði einstaklinga, auka lífsgæði þeirra og veita þjónustu af virðingu og umhyggju. Starfið er fjölbreytt og veitir dýrmæta reynslu í faglegu og styðjandi starfsumhverfi.

Hér má sjá upplýsingar um HSN í hnotskurn | Heilbrigðisstofnun Norðurlands

Hér má sjá upplýsingar um HSN Heilsueflandi Vinnustaður

• Vitjanir til skjólstæðinga í heimahúsum

• Umönnun og stuðningur við skjólstæðinga með áherslu á sjálfstæði, öryggi og vellíðan

• Samskipti og samstarf við aðstandendur skjólstæðinga

• Þátttaka í teymisvinnu með sjúkraliðum og hjúkrunarfræðingum

• Skráning og eftirfylgni samkvæmt gildandi verklagsreglum

• Önnur tilfallandi verkefni sem tengjast starfsemi heimahjúkrunar

• Fullgilt sjúkraliðapróf og íslenskt starfsleyfi, staðfesting á námi fyrir nema

• Bílpróf er skilyrði

• Æskilegt er að umsækjandi hafi reynslu af starfi í heimahjúkrun

• Frábær samskiptahæfni, jákvæðni og sveigjanleiki

• Áhugi og góð reynsla af teymisvinnu

• Frumkvæði og sjálfstæði í vinnubrögðum

• Góð íslenskukunnátta

• Hreint sakavottorð og gott orðspor

Laun samkvæmt gildandi kjarasamningi sem fjármála- og efnahagsráðherra og Sjúkraliðafélag Íslands hafa gert.

Með umsókn skal fylgja náms- og starfsferilskrá ásamt kynningarbréfi á íslensku þar sem fram kemur rökstuðningur fyrir hæfni viðkomandi í starfið. Með umsókn skal einnig fylgja afrit af starfsleyfi og prófskírteini, námsmat frá SLFÍ ef við á, og staðfesting á námi fyrir nema.

Tekið er á móti rafrænum umsóknum á starfstorg.is með því að smella hér fyrir neðan. Öllum umsóknum verður svarað þegar ákvörðun um ráðningu hefur verið tekin. Umsóknir gilda í sex mánuði frá því umsóknarfrestur rennur út. Fólk af öllum kynjum er hvatt til að sækja um starfið.

Tóbaksnotkun og notkun á rafsígarettum er ekki heimil á vinnutíma innan HSN.

HSN vill vera framsækin stofnun, eftirsóknarverður vinnustaður og í fararbroddi í heilbrigðisþjónustu og heilbrigðismenntun á landsbyggðinni. Hlutverk HSN er meðal annars að stuðla að heilbrigði íbúanna með því að veita faglega, samfellda og heildstæða heilbrigðisþjónustu.

Gildi HSN eru: Fagmennska - Samvinna - Virðing.