Sumarstörf - Hjúkrunarfræðingar/hjúkrunarnemar í heimahjúkrun HSN Akureyri

Heilbrigðisstofnun Norðurlands (HSN) á Akureyri leitar að metnaðarfullum og áhugasömum hjúkrunarfræðingum og hjúkrunarnemum í sumarafleysingar í heimahjúkrun. Ráðningartími er frá miðjum maí til 15. september 2026 eða samkv. samkomulagi.

Heimahjúkrun HSN veitir faglega og persónulega þjónustu í heimahúsum, þar sem lögð er rík áhersla á sjálfstæði og að auka lífsgæði skjólstæðinga, náið samstarf við aðstandendur og sterka teymisvinnu. Starfið er fjölbreytt og veitir dýrmæta reynslu í faglegu og styðjandi starfsumhverfi þar sem þekking, frumkvæði og mannleg samskipti skipta miklu máli.

Hér má sjá upplýsingar um HSN í hnotskurn | Heilbrigðisstofnun Norðurlands

Hér má sjá upplýsingar um HSN Heilsueflandi Vinnustaður

• Veita faglega og einstaklingsmiðaða hjúkrunarþjónustu í heimahúsum skjólstæðinga samkvæmt gildandi verklagi og faglegum viðmiðum

• Vinna með skjólstæðingum og aðstandendum þeirra

• Þátttaka í teymisvinnu með hjúkrunarfræðingum, sjúkraliðum og öðrum fagaðilum

• Skráningu og upplýsingamiðlun samkvæmt rafrænum sjúkraskrárkerfum og reglum HSN

• Önnur tilfallandi verkefni sem tengjast starfsemi heimahjúkrunar

• Fullgilt hjúkrunarpróf og íslenskt starfsleyfi, staðfesting á námi fyrir nema

• Bílpróf er skilyrði

• Reynsla í heimahjúkrun æskileg

• Frábær samskiptahæfni, jákvæðni og sveigjanleiki

• Áhugi og góð reynsla af teymisvinnu

• Frumkvæði og sjálfstæði í vinnubrögðum

• Góð íslenskukunnátta

• Hreint sakavottorð og gott orðspor

Laun samkvæmt gildandi kjarasamningi sem fjármála- og efnahagsráðherra og Félag íslenskra hjúkrunarfræðinga hafa gert.

Með umsókn skal fylgja náms- og starfsferilskrá ásamt kynningarbréfi á íslensku þar sem fram kemur rökstuðningur fyrir hæfni viðkomandi í starfið. Með umsókn skal einnig fylgja afrit af starfsleyfi, prófskírteinum og staðfesting á námi fyrir hjúkrunarnema.

Tekið er á móti rafrænum umsóknum á starfstorg.is með því að smella hér fyrir neðan. Öllum umsóknum verður svarað þegar ákvörðun um ráðningu hefur verið tekin. Umsóknir gilda í sex mánuði frá því umsóknarfrestur rennur út. Fólk af öllum kynjum er hvatt til að sækja um starfið.

Tóbaksnotkun og notkun á rafsígarettum er ekki heimil á vinnutíma innan HSN.

HSN vill vera framsækin stofnun, eftirsóknarverður vinnustaður og í fararbroddi í heilbrigðisþjónustu og heilbrigðismenntun á landsbyggðinni. Hlutverk HSN er meðal annars að stuðla að heilbrigði íbúanna með því að veita faglega, samfellda og heildstæða heilbrigðisþjónustu.

Gildi HSN eru: Fagmennska - Samvinna - Virðing.