Sumarstarf - Móttökuritari HSN Fjallabyggð

Heilbrigðisstofnun Norðurlands (HSN) Fjallabyggð, óskar eftir jákvæðum, skipulögðum og þjónustulunduðum móttökuritara í sumarafleysingu á heilsugæslustöð á Siglufirði. Ráðningarhlutfall er 100% og ráðningatími er frá 1. júlí til mið ágúst 2026 eða eftir nánara samkomulagi. Starfið er fjölbreytt, krefjandi og gefur góða innsýn í starfsemi heilsugæslunnar.

Á starfstímanum fær viðkomandi tækifæri til að vinna í faglegu og styðjandi starfsumhverfi þar sem áhersla er lögð á góða þjónustu, samstarf og vönduð vinnubrögð.

Hér má sjá upplýsingar um starfsstöð Dalvík- og Fjallabyggð

Hér má sjá upplýsingar um HSN í hnotskurn fyrir allar starfsstöðvar

• Móttaka, tímabókun, afgreiðsla og uppgjör

• Símsvörun

• Póst og pakkadreifing

• Skjalafrágangur

• Önnur tilfallandi verkefni

• Góð íslenskukunnátta er skilyrði

• Almenn enskukunnátta er skilyrði

• Reynslu af afgreiðslustörfum/móttökustörfum er kostur

• Grunnþekking eða reynsla af bókhaldi og uppgjöri er kostur

• Mjög góð samskiptahæfni, jákvæðni og sveigjanleiki

• Almenn tölvukunnátta

• Frumkvæði, skipulagshæfni og sjálfstæði í vinnubrögðum

• Hreint sakavottorð og gott orðspor

Laun samkvæmt gildandi kjarasamningi sem fjármála- og efnahagsráðherra og Kjölur hafa gert.

Með umsókn skal fylgja náms- og starfsferilskrá ásamt kynningarbréfi á íslensku þar sem fram kemur rökstuðningur fyrir hæfni viðkomandi í starfið. Æskilegt er að viðkomandi hafi náð 18 ára aldri.

Tekið er á móti rafrænum umsóknum á starfstorg.is með því að smella hér fyrir neðan. Öllum umsóknum verður svarað þegar ákvörðun um ráðningu hefur verið tekin. Umsóknir gilda í sex mánuði frá því umsóknarfrestur rennur út. Fólk af öllum kynjum er hvatt til að sækja um starfið.

Tóbaksnotkun og notkun á rafsígarettum er ekki heimil á vinnutíma innan HSN.

HSN vill vera framsækin stofnun, eftirsóknarverður vinnustaður og í fararbroddi í heilbrigðisþjónustu og heilbrigðismenntun á landsbyggðinni. Hlutverk HSN er meðal annars að stuðla að heilbrigði íbúanna með því að veita faglega, samfellda og heildstæða heilbrigðisþjónustu.

Gildi HSN eru: Fagmennska - Samvinna - Virðing.