Sektir og sakarkostnaður

Hlusta

Sýslumaðurinn á Norðurlandi vestra sér um innheimtu sekta og sakarkostnaðar fyrir allt landið.

Lögreglustjórar í hverju umdæmi innheimta sektir vegna:

hraðamyndavéla
annarra umferðarlagabrota sem ljúka má með sektarboð.

Athugið: Ekki er hægt að semja um greiðsludreifingu á sektarboðum lögreglustjóra.

Greiðsludreifing

Ef þú getur ekki greitt sekt eða sakarkostnað í einu lagi getur þú sótt um greiðsludreifingu með því að:

senda skriflega beiðni á innheimta@syslumenn.is
senda bréf til Sýslumannsins á Norðurlandi vestra

Skilyrði greiðsludreifingar

Lágmarks mánaðarleg greiðsla: 10.000 krónur
Hámarkstími: 12 mánuði

Ef þú getur ekki greitt kröfuna innan 12 mánaða, er hægt að sækja um framlengingu á greiðslusamningi vegna sekta og sakarkostnaðar.

Innheimtuferli

Þegar krafa er stofnuð birtist hún í heimabanka skuldara
Innheimtubréf eru send í pósthólf skuldara á Ísland.is
Ef krafan er ógreidd 30 dögum eftir að innheimtubréf er sent og ekki hefur verið samið, getur eftirfarandi úrræðum verið beitt:
- Skuldajöfnuði sakarkostnaðar
- Fjárnámi
- Nauðungarsölu
- Skráningu á vanskilaskrá (eftir árangurslaust fjárnám)
- Afplánun vararefsingar

Greiðsla

Bankareikningur 0159-26-267
Kennitala 660914-0990
Tilgreina þarf kennitölu og nafn skuldara

Afplánun í fangelsi

Skuldari fær boð um hvar og hvenær hann á að mæta.
Ef hann mætir ekki og sektin er enn ógreidd, má búast við handtöku.
Greiðsla að fullu fellir niður afplánun, en hlutagreiðsla gerir það ekki.

Samfélagsþjónusta

Hafi sýslumaður tekið ákvörðun um að vararefsingu skuli beitt er hægt að sækja um að afplána refsinguna með ólaunaðri samfélagsþjónustu ef sekt er 100.000 kr. eða hærri.

Lengd: 40–480 klst.
Umsókn fer til sýslumanns, en Fangelsismálastofnun veitir samþykki eða synjar.

Afplánun í meðferð

Að undangengnu sérfræðiáliti má veita leyfi til afplánunar á meðferðarstofnun eða sjúkrahúsi.
Fangelsismálastofnun afgreiðir beiðnir sem berast frá meðferðarstofnun.
Hámarkslengd afplánunar í meðferð eru 10 dagar.

Ef fjárhagsaðstæður eru bágar er hægt að sækja um niðurfellingu sakarkostnaðar. Umsóknin er ekki tekin til afgreiðslu fyrr en fylgigögn liggja fyrir:

Fylgigögn:

Afrit tveggja síðustu skattframtala umsækjanda.
Afrit þriggja síðustu launaseðla umsækjanda.

Önnur gögn sem kunna að hafa áhrif á niðurstöðu eru til dæmis:

Vottorð um skólavist ef umsækjandi er í námi.
Læknisvottorð ef möguleikar umsækjandans til að afla sér tekna
í framtíðinni
eru skertir vegna varanlegrar örorku eða veikinda.
Vottorð frá Þjóðskrá Íslands um forsjá og lögheimili barns eða barna eða skjal sem sýnir skipan meðlags.

Athugið: Umsókn um niðurfellingu sakarkostnaðar kemur ekki í veg fyrir frekari innheimtuaðgerðir, eins og fjárnám, nauðungarsölu eða skráningu á vanskilaskrá.

Afgreiðslutími

Þegar umsókn og nauðsynlegum fylgigögnum hefur verið skilað inn, má að jafnaði vænta svars fyrir tíunda næsta mánaðar.

Athugið: Frá 1. janúar til 10. mars liggur afgreiðsla niðri vegna skila á nýju skattframtali. Umsókn telst móttekin þegar nýju framtali hefur verið skilað til sýslumannsins á Norðurlandi vestra.

Þjónustuaðili

Sýslumaðurinn á Norðurlandi vestra