Sakarkostnaður felldur niður

Þegar umsókn og nauðsynlegum fylgigögnum hefur verið skilað inn, má að jafnaði vænta svars fyrir tíunda dag næsta mánaðar. Frá 1. janúar til 10. mars liggur afgreiðsla niðri vegna skila á nýju skattframtali. Umsókn telst móttekin þegar nýju framtali hefur verið skilað inn til sýslumannsins á Norðurlandi vestra.

Umsókn um niðurfellingu sakarkostnaðar

Ef fjárhagsaðstæður eru bágar getur skuldari sótt um niðurfellingu sakarkostnaðar. Umsóknin er ekki tekin til afgreiðslu fyrr en öllum nauðsynlegum fylgigögnum hefur verið skilað inn.

Fylgigögn með umsókn:

• Afrit tveggja síðustu skattframtala umsækjanda.

• Afrit þriggja síðustu launaseðla umsækjanda.

Önnur gögn sem kunna að styðja umsóknina, til dæmis:

• Vottorð um skólavist ef umsækjandi er í námi.

• Læknisvottorð ef möguleikar umsækjandans til að afla sér tekna í framtíðinni eru skertir vegna varanlegrar örorku eða veikinda.

• Vottorð frá Þjóðskrá Íslands um forsjá og lögheimili barns eða barna eða skjal sem sýnir skipan meðlags.

Umsókn um niðurfellingu sakarkostnaðar kemur ekki í veg fyrir frekari innheimtuaðgerðir, eins og fjárnám, nauðungarsölu eða skráningu á vanskilaskrá.

Mat á niðurfellingu sakarkostnaðar

Við mat á því hvort sakarkostnaður verði felldur niður eru eftirfarandi þættir teknir til skoðunar:

• Að tekjur nemi ekki hærri fjárhæð en kr. 4.772.000 á ári.

  • Fjárhæð tekna hækkar um kr. 530.000 fyrir hvert barn undir 18 ára aldri sem býr hjá umsækjanda eða hann greiðir meðlag með.

  • Með tekjum er átt við tekjuskattsstofn, fjármagnstekjur og skattfrjálsar tekjur.

• Hvort umsækjandi eigi eignir, s.s. fé á bankareikningi, hlutabréf, fasteignir eða annað.

• Hvort sérstakar tímabundnar aðstæður, s.s. nám eða afplánun refsivistar, hamli tekjuöflun umsækjanda.

• Hvort aflahæfi umsækjanda er verulegt skert til frambúðar vegna varanlegrar örorku eða veikinda.

• Hvort umsækjandi hafi staðið skil á greiðslum skv. samningi við SMNV í a.m.k. 1 ár en ekki eru líkur á því að aflahæfi hans breytist til batnaðar og ljóst þykir að umsækjandi muni ekki ná að greiða sakarkostnaðinn á komandi árum.

Nánari upplýsingar má finna í viðmiðunarreglum um niðurfellingu sakarkostnaðar.

Nánari upplýsingar eru veittar hjá sýslumanninum á Norðurlandi vestra með tölvupósti á innheimta@syslumenn.is eða í síma 458-2500.