Upptaka frá málstofunni

Komið er að annarri málstofu af fjórum í beinu streymi á vegum Vinnueftirlitsins.

Málstofan verður haldin fimmtudag 2. desember nk. kl. 9-10 og er efni hennar Forvarnir gegn stoðkerfisvanda á vinnustöðum.

Á málstofunni verða tvö erindi:

• Þórunn Sveinsdóttir

   

  sérfræðingur hjá Vinnueftirlitinu mun fjalla um forvarnarstarf á vinnustöðum og mikilvægi þess að nálgast stoðkerfisvanda heildstætt með því að ráðast að rótum hans. Hún mun jafnframt ræða helstu áskoranirnar sem blasa við í framtíðinni ef ná á stjórn á stoðkerfisvanda starfandi fólks.

• Gunnhildur Gísladóttir

   

  sérfræðingur hjá Vinnueftirlitinu mun kynna hagnýtan leiðarvísi að vellíðan í starfi og hvernig má takast á við og hafa stjórn á stoðkerfisvanda á vinnustöðum. Þar mun hún m.a. fara yfir fimm skrefa ferli sem getur reynst gagnlegt stjórnendum og starfsfólki í forvarnarskyni.

Ekki er nauðsynlegt að skrá sig á málstofurnar og allir velkomnir. Látið upplýsingar um málstofuna endilega berast til þeirra sem eru í kringum ykkur.
Tenging á streymið verður hér á heimasíðu Vinnueftirlitsins og á fésbókinni. Þá er minnt á tvær síðustu málstofurnar:

• 14. janúar – Rakaskemmdir og inniloft á vinnustöðum

• 20. janúar – Forvarnir í mannvirkjagerð á undirbúnings- og hönnunarstigi