Markmið með Mínum síðum Ísland.is er að það verði til einn staður fyrir einstaklinga og lögaðila til að nálgast gögn og sækja sér þjónustu þvert á ríkið.
Efnisyfirlit
Með því að hafa gögn aðgengileg á einum stað þurfa notendur ekki að leita sér að þjónustu á mörgum stöðum heldur geta auðkennt sig einu sinni og fundið þá þjónustu og gögn þvert á stofnanir.
Mínar síður Ísland.is sýna mikilvægustu gögnin frá hinu opinbera sem tilheyra einstaklingum og lögaðilum – þvert á stofnanir.
Mínar síður á Ísland.is, stafrænaspjallið - myndband
Hvað má finna á Mínum síðum?
Stafrænt pósthólf
Allar stofnanir sem hafa innleitt pósthólfið senda skjöl til notenda hingað inn.
Mínar upplýsingar
Hér finnur notandi gögn sín og fjölskyldu sinnar úr Þjóðskrá/Fyrirtækjaskrá.
Fjármál
Undir fjármálum birtast upplýsingar frá Fjársýslunni um stöðu notanda við Ríkissjóð, ásamt fleiri aðgerðum því tengdu.
Skuldleysisvottorð
Umsókn um greiðsluáætlun
Umsóknir
Staða á stafrænum umsóknum sem notandinn hefur sótt um hjá hinu opinbera.
Menntun
Einkunnir þínar og barna þinna úr samræmdum prófum frá árinu 2020 sem sóttar eru til Menntamálastofnunar. Unnið er að því að því að koma öllum einkunnum úr menntakerfi Íslands á einn stað.
Fasteignir
Hér finnur notandi upplýsingar um fasteignir og lóðir frá Húsnæðis- og mannvirkjastofnun.
Veðbókarvottorð
Ökutæki
Allar upplýsingar Samgöngustofu færast undir Mínar síður Ísland.is, s.s. ökutæki notanda, ökutækjaferill og uppfletting í ökutækjaskrá.
Skilavottorð
Upplýsingar um skírteini og starfsleyfi
Í dag birtast ökuskírteini, vinnuvélaréttindi, ADR-skírteini, skotvopnaleyfi og upplýsingar um vegabréf.
Að svo stöddu birtast einungis starfsleyfi kennara en unnið er að því að setja fleiri starfsleyfi þarna inn.
Mínar síður vaxa jafnt og þétt í tímans rás, eftir því sem fleiri stofnanir nýta sér þjónustugáttina.
Mínar síður búa ekki til ný og fleiri gögn heldur safna og sýna núverandi gögn frá ýmsum stofnunum.
Innskráning og aðgangsstýring - Leiðbeiningar:
Prókúruhafar fyrirtækja og stofnanna geta skráð sig inn á Mínar síður ef þeir eru skráðir prókuruhafar hjá Skattinum. Ef þú sérð ekki fyrirtæki þar sem prókúrutengsl eru til staðar, vinsamlegast hafið samband við Skattinn.
Þú skráir þig inn með þínum persónulegu rafrænu skilríkjum á Mínar síður.
Skiptir um notanda með því að smella á nafnið þitt í efra hægra horni og velur að Skipta um notanda.
Þá birtast þeir aðilar og fyrirtæki sem þú hefur aðgang að.
Aðgengileg gögn fyrirtækis á Mínum síðum
Prókúruhafar fyrirtækja og opinberir aðilar geta skráð sig inn á Mínar síður til að sjá:
Pósthólf fyrirtækisins sem inniheldur gögn sem stofnanir ríkisins hafa sent
Upplýsingar úr fyrirtækjaskrá
Fasteignir
Ökutæki
Hvernig get ég gefið öðrum aðgang að því að skoða gögn fyrirtækisins Sjá hér að neðan: Að veita aðgang
Opinberir aðilar þurfa að skrá prókúruhafa hjá Skattinum til þess að fá aðgang að Mínum síðum og umboðskerfi Ísland.is.
Innskráning:
Þú velur að opna Mínar síður, í felliglugga er valið: Fyrirtæki og umboð.
Þú skráir þig inn með þínum eigin rafrænum skilríkjum
Þá birtast þeir aðilar, fyrirtæki og stofnanir sem þú hefur aðgang að.
Aðgengileg gögn opinberra aðila á Mínum síðum:
Prókúruhafar geta skráð sig inn á Mínar síður til að sjá:
Stafrænt pósthólf
Umsóknir
Upplýsingar úr fyrirtækjaskrá
Fasteignir
Ökutæki
Hvernig get ég gefið öðrum aðgang að því að skoða gögnin? Sjá hér að neðan: Að veita aðgang - Fyrirtæki
Prókúruhafar fyrirtækja og stofnanna geta gefið öðrum aðgang til að sjá ákveðnar upplýsingar á Mínum síðum fyrir hönd fyrirtækja eða opinberra aðila. Það er gert með nokkrum einföldum skrefum.
Þú skráir þig inn sem fyrirtæki
Velur Aðgangsstýring í efnisyfirliti á vinstri hlið.
Þar getur þú valið hverjum þú vilt veita aðgang, að hvaða kerfishlutum og hversu lengi aðgangurinn á að vera virkur.
Aðgangsstýring
Prókúruhafar geta gefið einstaklingum Aðgangsstýringar réttindi. Með þeim getur starfsmaðurinn gefið öðrum réttindi til að sjá upplýsingar fyrirtækisins af því sem hann sjálfur hefur aðgang að. Oft á tíðum hafa einstaklingar hjá bókhaldsstofum aðgangsstýringar réttindi fyrir fyrirtæki og geta þannig gefið öðrum innan bókhaldsstofunar réttindi til að skoða gögn fyrirtækisins.
Prókúruhafi gefur aðgangsstýringarréttindi á eftirfarandi hátt:
Þú skráir þig inn sem fyrirtæki
Velur Aðgangsstýring í efnisyfirliti á vinstri hlið.
Velur aðilan sem á að hafa réttindi, hakar í Aðgangsstýring og þá kerfishluta sem sá aðila á að geta séð og gefið aðgang að, t.d. Fjármál.
Sá sem fær umboðið getur í kjölfarið skráð sig inn fyrir hönd fyritækisins og gefið öðrum aðgang að gögnum fyrirtækisins.
Einstaklingar geta gefið öðrum aðgang til að sjá ákveðnar upplýsingar á Mínum síðum s.s. Fjármál eða Pósthólf með nokkrum einföldum skrefum.
Þú skráir þig inn með þínum persónulegu rafrænu skilríkjum á Mínar síður.
Velur Aðgangsstýring í efnisyfirliti á vinstri hlið.
Þar getur þú valið hverjum þú vilt veita aðgang, að hvaða kerfishlutum og hversu lengi hann á að vera virkur.
Einstaklingurinn sem fær umboðið getur í kjölfarið skráð sig inn fyrir hönd þess sem veitti umboðið.
Forsjáraðilar geta skráð sig inn á Mínar síður fyrir hönd barnanna sinna óháð búsetu. Kerfið sækir forsjártengsl til Þjóðskrár. Ef þú sérð ekki barn þar sem forsjártengsl eru til staðar, vinsamlegast hafið samband við Þjóðskrá.
Þú skráir þig inn með þínum persónulegu rafrænu skilríkjum á Mínar síður.
Skiptir um notanda með því að smella á nafnið þitt í efra hægra horni og velur að skipta um notanda.
Þá birtast þeir aðilar og fyrirtæki sem þú hefur aðgang að.
Lögráða einstaklingar sem vegna fötlunar sinnar eiga erfitt með að gæta hagsmuna sinna eiga rétt á að velja persónulegan talsmann sér til aðstoðar. Réttindagæsla fatlaðra heldur utanum samninga á milli einstaklinga og persónulegra talsmanna og sótt er um þá samninga hjá Réttindagæslunni. Allir sem geta ekki séð um sig sjálfir geta sótt um persónulegan talsmann.
Persónulegur talsmaður getur skráð sig inn á Mínar síður Ísland.is fyrir hönd þeirra sem hann aðstoðar ef að samningurinn tilgreinir þau réttindi.
Þú skráir þig inn með þínum persónulegu rafrænu skilríkjum á Mínar síður.
Skiptir um notanda með því að smella á nafnið þitt í efra hægra horni og velur að skipta um notanda.
Þá birtast þeir aðilar og fyrirtæki sem þú hefur aðgang að.
Einstaklingur sem hefur veitt öðrum aðgang að Mínum síðum, getur alltaf afturkallað umboðið með nokkrum einföldum skrefum.
Einstaklingar:
Þú skráir þig inn með þínum persónulegu rafrænu skilríkjum á Mínar síður.
Velur Aðgangsstýring í efnisyfirliti á vinstri hlið.
Velur þann einstakling sem á að afturkalla umboðið hjá og eyðir umboði.
Einstaklingurinn sem áður hafði umboð mun ekki lengur getað skráð sig inn fyrir hönd þess sem hann hafði umboð fyrir.
Fyrirtæki:
Þú skráir þig inn með þínum persónulegu rafrænu skilríkjum á Mínar síður.
Skiptir yfir á fyrirtækið sem þú vilt loka aðgang að. Það er gert með því að ýta á nafnið þitt í hægra horni og velja að skipta um notanda.
Þegar þú hefur skráð þig inn sem fyrirtæki velur þú Aðgangsstýring í efnisyfirliti á vinstri hlið.
Velur þann einstakling sem á að afturkalla umboðið hjá og eyðir umboði.
Einstaklingurinn sem áður hafði umboð mun ekki lengur getað skráð sig inn fyrir hönd fyrirtækisins.
Einstaklingar geta valið úr þremur leiðum til að auðkenna sig inn á Mínar síður.
Með Auðkennisappinu en það gerir notendum kleift að auðkenna sig á þægilegan og einfaldan máta. Sú auðkenning krefst ekki íslensks símkorts sem getur verið hentugt t.d. fyrir íslendinga í útlöndum sem eru ekki lengur með íslenskt símkort.
Auðkenning með skilríki með korti. En með þeirri leið að þá þarf notandinn ekki að nota símann heldur getur tengt auðkenniskort við tölvuna sína og þannig auðkennt sig inn.
Mínar síður fá aðgengisviðurkenningu
Á Íslensku vefverðlaununum 2021 unnu Mínar síður verðlaun fyrir besta vefkerfi landsins og fengu sömuleiðis sérstaka viðurkenningu fyrir aðgengismál.
„Krafa um gott aðgengi er sjálfsögð krafa um uppfyllingu sjálfsagðra mannréttinda. Aðgengi að opinberum upplýsingum í heimi þar sem slíkar upplýsingar færast í auknum mæli yfir í stafrænt form, skiptir höfuðmáli. Stórt og flókið verkefni sem er hvergi nærri lokið en hvert skref er stigið í rétta átt, án mismununar. Það er frábært að hugsa til þess að hægt sé að nálgast mikilvæg gögn og framkvæma algengar aðgerðir, þvert á stofnanir, innan eins vefsvæðis. Sú hugsun er samstíga almennri hugsun um aðgengi og einfaldleika . Megi þessi viðurkenning verða til þess að hugmyndin um jafnt aðgengi allra haldi áfram að verða leiðarljós í frekari þróun komandi ára.“
„Vefkerfi ársins er með skýrleika í fyrirrúmi og gerir flókna umsýslu gagna þægilega í notkun. Vefurinn er einstaklega notendavænn og aðgengismál alveg til fyrirmyndar. Veftréð er einfalt, rökrétt og vel sett upp og styður vel við notendur með skýrum hætti. Augljóst er að lögð hefur verið mikil vinna í að einfalda flókin ferli með hag notenda að leiðarljósi. Jafnvel þótt að vefurinn sé enn í þróun þá eru gæðin á þá leið að auðvelt er að leyfa sér að hlakka til þegar lokaútgáfa liggur fyrir.“
Ávinningur fyrir stofnanir
Mínar síður Ísland.is er þjónustugátt fyrir allar stofnanir sem þurfa að koma upplýsingum eða þjónustu til notenda sinna. Viðmótið er notendavænt þar sem passað er upp á aðgengi. Viðmótið er á tölvulesanlegu formi, það skalast vel í síma og er með tungumála stuðningi.
Með því að nýta sér Mínar síður Ísland.is þarf stofnun ekki að innleiða innskráningar og umboðskerfi.
Mínar síður safna ekki neinum gögnum heldur sækja gögn til stofnunar á öruggan hátt í gegnum vefþjónustur þar sem x-road er notað fyrir örugg samskipti. Stofnun býr til vefþjónustur og vinnur síðan með hönnunarteymi Stafræns Íslands við það að ákveða hvernig gögnin birtast notandanum.
Mínar síður Ísland.is er í boði fyrir stofnanir þeim að kostnaðarlausu. Stafrænt Ísland sér um rekstur og viðhald framendans ásamt því að tryggja uppitíma og öryggi innskráningar og umboðskerfis. Stofnunin þarf að tryggja uppitíma vefþjónusta.
Hönnunar- og efnisstefna Stafræns Íslands er notuð en framendinn er þróaður í samstarfi við stofnun. Stafrænt Ísland getur aðstoðað við uppsetningu og þróun á vefþjónustum ef þess er óskað.
Tæknilegar upplýsingar
Til að veita gögn inn á Mínar síður þurfa stofnanir að tengjast Straumnum.
Stafrænt Ísland viðheldur hönnunarkerfi og efniskerfi þar sem aðgangur fyrir alla er tryggður.
Aðgengi að gögnum á Mínum síðum er sett upp á skynsaman hátt óháð stofnun.
Innviðir kerfisins tryggja öryggi gagna og uppitíma.
Spurt og svarað
Mínar síður Ísland.is er miðlæg þjónustugátt þar sem stofnanir geta nýtt til þess að koma gögnum og þjónustu til einstaklinga og lögaðila á einfaldan hátt.
Allir einstaklingar og lögaðilar með íslenska kennitölu sem hafa sótt sér rafræn skilríki.
Allir einstaklingar og lögaðilar með íslenska kennitölu komast sjálfkrafa inn á Mínar síður í gegnum Ísland.is. Ekki er þörf á að sækja um aðgang sérstaklega.
Á Mínum síðum geta einstaklingar og lögaðilar nálgast gögn frá ríkinu á einum stað á öruggan hátt.
Ekki ennþá en Mínar síður vaxa jafnt og þétt í tímans rás, eftir því sem fleiri stofnanir koma að borðinu.
Til að skoða Mínar síður þurfa einstaklingar og lögaðilar að skrá sig inn með rafrænum skilríkjum. Þannig er tryggt að viðkomandi sjái einungis sín gögn.
Þú færð rafræn skilríki um allt land hjá farsímafélögum, bönkum og hjá Auðkenni.