Samgöngustofa minnir á að farþegaflutningar í atvinnuskyni á sjó eru háðir leyfi, þar á meðal siglingar sem boðnar eru í tengslum við almyrkvann 12. ágúst 2026. Þetta á við um ýmsar tegundir báta sem notaðir eru til að flytja farþega gegn gjaldi, hvort sem um er að ræða skoðunarferðir, veiðiferðir eða aðra farþegaflutninga.

Leyfiskröfur eru settar til að tryggja að öryggi farþega og áhafnar og fela meðal annars í sér kröfur um öryggisbúnað, tryggingar og mönnun.

Nánari upplýsingar um farþegaleyfi og umsóknarferli má finna hér.

Samgöngustofa vekur athygli á að öll drónaflug á Íslandi lúta gildandi reglum, einnig í tengslum við almyrkvann 12. ágúst 2026. Rekstraraðilar eru hvattir til að kynna sér gildandi takmarkanir, loftrýmisupplýsingar og önnur skilyrði áður en flogið er.

Allir umráðamenn og rekstraraðilar dróna skulu vera skráðir. Íslenskir umráðamenn og ferðamenn frá löndum utan Evrópu geta skráð sig á flydrone.is.

Samgöngustofa hvetur rekstraraðila til að skipuleggja starfsemi sína þannig að hún geti farið fram innan Opna flokksins þegar það er mögulegt. Ef fyrirhuguð starfsemi krefst leyfis er mikilvægt að sækja um með góðum fyrirvara, þar sem afgreiðsla getur tekið allt að þrjá mánuði eða lengur.

Nánari upplýsingar um reglur, leyfi, skráningu og drónakort má finna á vef Samgöngustofu.