Tilkynning um eigendaskipti á ökutæki

Tilkynning um eigendaskipti ökutækis

Eigendaskipti ökutækis

Þegar skipt er um eiganda ökutækis þarf að tilkynna eigendaskiptin til Samgöngustofu eins fljótt og auðið er. Skráning eigendaskipta tryggir að réttur aðili beri ábyrgð á ökutækinu, svo sem vegna gjalda, trygginga og umferðarlagabrota.

Áður er eigendaskipti eru skráð

Mikilvægt er að fara vel yfir eftirfarandi atriði áður en gengið er frá kaupum eða sölu ökutækis:

Veðbönd – hvort ökutækið sé veðsett
Tjónaferil – hvort ökutækið hafi orðið fyrir tjóni
Önnur atriði sem geta haft áhrif

Nánari upplýsingar um þetta má finna í grein um kaup og sölu ökutækis.

Ferli eigendaskipta

Seljandi fyllir út tilkynningu um eigendaskipti og greiðir fyrir skráningu.
Kaupandi, meðeigandi eða umráðamaður, eftir því sem við á, undirritar tilkynninguna rafrænt.
Eigendaskiptin eru síðan skráð sjálfkrafa í ökutækjaskrá.
Staðfesting á skráningu eigendaskipta er send í pósthólf seljanda og kaupanda á Ísland.is.

Kostnaður

Eigendaskipti kosta 3.041 króna sem seljandi greiðir við skráningu. Kvittun fyrir greiðslu eigendaskipta er send í pósthólf seljanda á Ísland.is.

Ef þú ert ekki með rafræn skilríki eða getur ekki tilkynnt um eigendaskipti rafrænt, er hægt að skila tilkynningu um eigendaskipti á pappírsformi í afgreiðslu Samgöngustofu.

Skil á tilkynningu

Seljandi og kaupandi fylla út eigendaskiptatilkynningu og undirrita hana, ásamt meðeiganda og umráðamanni ef við á.
Tilkynningin þarf að vera vottuð af tveimur einstaklingum sem hafa náð 18 ára aldri.
Tilkynningu skal skilað í frumriti til Samgöngustofu.

Staðfesting auðkennis

Ef allir viðkomandi aðilar – þar á meðal kaupandi, seljandi, meðeigendur og umráðamenn, eftir því sem við á – mæta í afgreiðslu Samgöngustofu og framvísa gildum skilríkjum, er hægt að skrá eigendaskiptin strax.
Ef einhver aðilanna er fjarverandi eða ekki með gilt skilríki er send tilkynning í stafrænt pósthólf allra skráðra aðila á Ísland.is. Þeir hafa þá sjö daga til að mótmæla eigendaskiptunum með því að óska eftir að skráningarlás verði settur á kennitölu sína.

Mótmæli innan sjö daga

Berist mótmæli innan sjö daga fer málið í annan farveg og eigendaskiptin eru ekki skráð.
Ef engin mótmæli berast eru eigendaskiptin skráð að frestinum loknum að því gefnu að ekkert annað standi í vegi fyrir skráningu kemur í veg fyrir það (svo sem álagning opinberra gjalda frá því að tilkynningin var lögð inn).

Staðfesting eigendaskipta

Að lokinni skráningu fá bæði kaupandi og seljandi tilkynningu í stafrænt pósthólf á Ísland.is með öllum helstu upplýsingum um skráninguna.

Gölluð eigendaskipti

Ef Samgöngustofa hefur athugasemdir vegna tilkynningar um eigendaskipti, eða tilkynningin er ekki rétt útfyllt, er ekki hægt að skrá eigendaskiptin. Í slíkum tilvikum er sendur tölvupóstur eða bréf til viðkomandi þar sem útskýrt er hvað þarf að laga. Gefinn er tveggja mánaða frestur til að lagfæra það sem amar að. Takist það ekki innan þess tíma er beiðni um skráningu hafnað.

Kaupsamningur og afsal

Kaupsamningur og afsal er á milli kaupanda og seljanda sem staðfesting á viðskiptum þeirra á milli. Þau skjöl þurfa ekki að berast Samgöngustofu.

Eigendaskipti ökutækja - algengar spurningar

Hvernig virka rafræn eigendaskipti bíls?

Þarf að tilgreina kaupverð við eigendaskipti?

Hvernig geri ég eigendaskipti á bíl/ökutæki úr dánarbúi?

Hvaða reglur gilda um eigendaskráningu bíla/ökutækja?

Hvernig geri ég eigendaskipti á bíl ef ekki er um sölu að ræða?

Hvernig er greitt fyrir rafræn eigendaskipti bíls?

Tekur lengri tíma að skrá eigendaskipti sem skilað var inn á skoðunarstöð?

Er hægt að fá afrit af eigendaskiptum bíls?

Hvernig á að fylla út tilkynningu um eigendaskipti bíla?

Get ég keypt bíl ef ég er ekki með íslenska kennitölu?

Hvað eru rafræn eigendaskipti lengi að fara í gegn?

Er hægt að gera eigendaskipti á forskráðu ökutæki?

Er hægt að leiðrétta eigendaskipti eftir skráningu?

Hvernig samþykki ég rafræn eigendaskipti bíls?

Hvað kosta eigendaskipti bíls/ökutækis?

Tilkynning um eigendaskipti ökutækis

Þjónustuaðili

Samgöngustofa

Tengt efni

Kaup og sala á ökutæki

Skráning meðeiganda ökutækis