Réttindagæslan aðstoðar fatlað fólk við að ná fram rétti sínum þegar réttindi þess eru ekki tryggð eða þau brotin. Aðstoðin getur til dæmis verið:

• Upplýsingaöflun hvernig á málum er haldið og leiðbeiningar um úrbætur

• Sitja fundi með einstaklingum eða skýrslutöku fyrir lögreglu og dómstólum þegar mál eru tekin fyrir

• Fylgjast með að málsmeðferð sé í samræmi við lög og tryggja að fatlað fólk njóti jafnrar stöðu sem persónur fyrir lögum

• Leiðbeina og aðstoða þegar reynir á sjálfræði fólks, hæfni til að fara með eigin réttindi og skyldur (gerhæfi) og sjálfsákvörðunarrétt

• Undirbúa kærur eða kvartanir fyrir fólk og nota allar áfrýjunarleiðir innan stjórnsýslunnar

• Koma ábendingum til skila til hluteigandi stjórnvalda eða aðila

Telji fatlaður einstaklingur að á rétti hans sé brotið getur hann haft samband við réttindagæsluna. Hún veitir í kjölfarið leiðbeiningar eða aðstoð við að leita réttar síns eftir því sem við á.

Frekari upplýsingar um réttindagæslu fyrir fatlað fólk má finna í:

III. kafla réttindagæslulaga fyrir fatlað fólk

Reglugerð um réttindagæsluna

Þann 1. maí 2025 færist réttindagæsla fyrir fatlað fólk yfir til Mannréttindastofnunar Íslands.