Persónuvernd
Vinnustaðir
Hvað persónuvernd á vinnustöðum varðar þarf að gæta samspils milli hagsmuna vinnuveitanda og einkalífs starfsfólks. Vinnuveitandi þarf oft að skrá og nota upplýsingar til að halda starfseminni gangandi, en starfsfólk á samt sem áður rétt á því að ekki sé gengið lengra en nauðsynlegt er.
Eftirlitsmyndavélar á vinnustöðum
Persónuverndarlögin gilda um eftirlitsmyndavélar á vinnustöðum.
Leit á starfsfólki
Leit á fólki og í fórum þeirra fellur ekki undir persónuverndarlögin nema haldin sé skrá um leitina.
Ráðningar- og starfssamningar
Tilgangurinn með öflun upplýsinga vegna ráðningar- og starfssamninga þarf að vera skýr og fylgja meginreglum persónuverndarlöggjafarinnar.
Skráning vinnuveitanda á persónuupplýsingum
Skráning vinnuveitanda á persónuupplýsingum um starfsmenn getur talist eðlilegur þáttur í starfsemi hans.
Tölvupóstur starfsfólks
Vinnuveitandi má ekki skoða einkatölvupóst starfsfólks. Einkatölvupóstur varðar persónuleg málefni starfsmannsins og tengist ekki starfseminni eða hagsmunum vinnuveitanda.
Vöktun með vinnuskilum starfsmanns
Vöktun með vinnuskilum er viðvarandi eða reglubundin vöktun sem fer fram til að hafa eftirlit með því að starfsmenn fari að fyrirmælum vinnuveitanda eða þeim lögum og reglum sem gilda um starfið og eftir atvikum til að meta einstaklingsbundið vinnuframlag eða afköst.