Til að skrá sig inn í vefgáttina þarf viðkomandi að hafa að rafræn skilríki í síma.

Gluggi opnast. Skjal/skjöl sem senda á til Persónuverndar eru dregin inn í gluggann „Ná í skjal eða draga það hingað“. Ef send eru fleiri en eitt skjal myndar kerfið „mál“ með því að setja skjöl í svokallaða ZIP skrá. Sjálfgefna nafnið á ZIP skránni er „skra.zip“. Mælt er með því að breyta sjálfgefna heiti Zip skráarinnar í skráarheiti sem lýsir sendingunni.

Í glugga yfir fyrirtæki er valið „Persónuvernd“.

Í glugga hópur er valin „Móttaka gagna“.

Í glugga „Skilaboð til móttakanda í tölvupósti“ má ekki setja persónugreinanleg skilaboð.

Í glugga „Skilaboð með sendingu“ eru sett skilaboð sem auðkenna sendinguna – t.d. málsnúmer. Jafnframt er gott að setja inn nafn sendanda og nafn þess starfsmanns Persónuverndar sem á að fá skjalið. Í þennan reit má setja trúnaðarupplýsingar. Eingöngu starfsmaður stofnunarinnar getur séð þær upplýsingar eftir að hafa auðkennt sig með rafrænum skilríkjum.

Með því að smella á senda berst skjalið til móttöku gagna hjá Persónuvernd. Tilkynning berst sendanda með tölvupósti þegar sendingin er móttekin hjá Persónuvernd.