Markmið norrænu fundanna er að ræða málefni líðandi stundar á sviði persónuverndar og miðla góðum starfsháttum. Slíkir norrænir fundir hafa verið haldnir frá árinu 1988.

Á fundinum var undirrituð sérstök yfirlýsing, Stokkhólmsyfirlýsingin, þar sem komu fram sameiginlegar áherslur stofnananna og að þær munu halda áfram öflugu samstarfi sínu á grundvelli sameiginlegra norrænna gilda.

Þá ræddu norrænu persónuverndaryfirvöldin áhrif núverandi stöðu í alþjóðamálum á persónuvernd og friðhelgi einkalífs. Þau ræddu einnig ýmis önnur málefni, öll með það að markmiði að ná fram jafnvægisleitandi og enn hagkvæmari nálgun við framkvæmd ólíkra verkefna sinna. Persónuverndaryfirvöldin viðurkenndu þörfina á frekara samstarfi við önnur eftirlitsyfirvöld, einkum með hliðsjón af þeim mörgu reglum sem skarast á sviði stafrænnar þróunar og persónuverndar, svo sem gervigreindarlögunum (AI Act) og gagnalögunum (Data Act).