Varaformannsskipti urðu á nýliðnum fundi Evrópska persónuverndarráðsins þegar Aleid Wolfsen, forstjóri hollensku persónuverndarstofnunarinnar, lauk fimm ára setu í ráðinu og Zdravko Vukić, forstjóri króatísku persónuverndarstofnunarinnar, var kosinn varaformaður í hans stað.

Vukić mun ásamt öðrum varaformanni ráðsins, Irene Loizidou Nikolaidou, vinna náið á komandi árum með Anu Talus, formanni EDPB, að því að tryggja samræmda beitingu persónuverndarreglugerðarinnar og stuðla að skilvirkri samvinnu meðal persónuverndarstofnana á evrópska efnahagssvæðinu.

Fréttatilkynning EDPB