Markmið fundarins var að leiða saman fulltrúa rannsóknasamfélagsins, heilbrigðisyfirvalda og eftirlitsaðila til að ræða þá möguleika og þær áskoranir sem felast í rannsóknum meðan á faraldri stendur. Til dæmis hafa vaknað spurningar um hvort núverandi regluumhverfi henti fyrir slíkar aðstæður og hvernig hagsmunum þátttakenda er best borgið.

Þátttakendur á málþinginu fluttu framsöguerindi um reynslu síðustu mánaða og komu saman í pallborði. Fundinum var streymt en upptaka af honum er aðgengileg hér.

Dagskrá málþingsins

13.05 Ávarp, Sunna Snædal, læknir og formaður vísindasiðanefndar

13.15 Alma D. Möller, landlæknir

13.30 Vilmundur Guðnason, forstöðulæknir Hjartaverndar og prófessor við Læknadeild Háskóla Íslands

13.45 Helga Þórisdóttir, forstjóri Persónuverndar

14.00 Karl Andersen, hjartalæknir og prófessor við Læknadeild Háskóla Íslands

14.15 Unnur A. Valdimarsdóttir, prófessor við miðstöð í lýðheilsuvísindum, Læknadeild Háskóla Íslands

14.30 Kári Stefánsson, forstjóri Íslenskrar erfðagreiningar

14.45 Henry A. Henrysson, heimspekingur og varaformaður vísindasiðanefndar bregst við framsöguerindum og stjórnar pallborði

15.00-16.00 Pallborðsumræða