Til umræðu voru meðal annars fyrirhugaðar breytingar á regluverki stafræna markaðarins, vernd barna, pólitískar auglýsingar, miðlun persónuupplýsinga til þriðju landa og þörfina á nægu fjármagni og mönnun persónuverndaryfirvalda. EDPB lagði áherslu á að einföldun reglna mætti ekki veikja grundvallarréttindi eða vernd persónuupplýsinga.

Á fundinum samþykkti EDPB einnig sameiginlegt evrópskt sniðmát fyrir tilkynningar um öryggisbresti. Markmiðið er að samræma og einfalda tilkynningarferli samkvæmt 33. gr. GDPR, bæði fyrir ábyrgðaraðila og persónuverndaryfirvöld. Sniðmátið á sérstaklega að auðvelda smærri aðilum að senda fullnægjandi og tímanlegar tilkynningar.

Sniðmátið verður í opinberu samráði til 5. ágúst 2026. Að því loknu mun EDPB ákveða hvernig og hvenær það verður innleitt hjá persónuverndaryfirvöldum í Evrópu.

Fréttatilkynning EDPB