Þann 25. júlí sl. birti framkvæmdastjórn Evrópusambandsins aðra skýrslu um beitingu almennu persónuverndarreglugerðarinnar (GDPR) sem beðið hefur verið eftir. Í skýrslunni eru jákvæð áhrif reglugerðarinnar staðfest og þörf á endurskoðun löggjafarinnar ekki nefnd. Í skýrslunni kemur auk þess fram að reglugerðin hafi, allt frá gildistöku hennar, valdeflt einstaklinga með því að veita þeim stjórn á eigin gögnum, jafnað samkeppnisaðstöðu fyrirtækja og stutt við stafræn umskipti ESB.

Þrátt fyrir hið jákvæða mat er í skýrslunni tilgreind nokkur atriði til úrbóta sem leggja eigi áherslu á í framhaldinu. Helstu atriðin eru:

- Þróa skilvirkt samstarfskerfi

- Innleiða og bæta við lagarammann

- Auka stuðning við haghafa, einkum lítil og meðalstór fyrirtæki

- Þróa áfram verkfærakistuna fyrir gagnaflutninga og alþjóðlegt samstarf

Hér má nálgast skýrsluna í heild sinni.