Svikatilraunin mun felast í því að notandanum eru send skilaboð eða tölvupóstur í aðdraganda gistingar og reynt er að ná kreditkortaupplýsingum með blekkingum.

Þeim sem hafa bókað gistingu í gegnum vefsíðuna er bent á að hafa varann á þegar þeir móttaka skilaboð eða tölvupóst sem virðast vera frá Booking.com og góð regla er að hafa samband við vefsíðuna sjálfstætt (ekki með því að svara skilaboðunum beint) til að fá uppruna skilaboðanna staðfestan.

Persónuvernd er með málið til skoðunar að því er varðar vinnslu persónuupplýsinga.