Landspítali
Stefnur og starfsáætlun
Umhverfisstefna og markmið
Það er stefna Landspítala að vera til fyrirmyndar í umhverfismálum og hafa samfélagslega ábyrgð að leiðarljósi við ákvörðunartöku og í daglegu starfi.
Umhverfisstefna Landspítala
Umhverfisstefnan er leiðarvísir að þessari framtíðarsýn. Ýmis skref hafa verið stigin í átt að umhverfisvænni Landspítala síðan stefnan var sett 2012 og fjölgar þeim jafnt og þétt.
Sjá nánar í umhverfisstefnu Landspítala
Áætlun Landspítala í umhverfismálum 2023-2035
Áætlunin sýnir áframhaldandi metnaðarfull markmið um samdrátt í losun kolefnisspors spítalans komandi ár. Aðgerðir áætlunarinnar um 60 og falla í þrjá áhersluflokka;
kolefnishlutlaus heilbrigðisþjónusta
enginn úrgangur
heilbrigt umhverfi
Sjá nánar um loftslagsmarkmið og áætlun Landspítala í umhverfismálum 2023-2025.
Kolefnisjöfnun
Landspítali hefur lagt áherslu á að koma í veg fyrir losun koltvísýringsígilda í stað þess að leggja fé í að kolefnisjafna. Á spítalanum eru fjölmörg tækifæri til að draga úr losun og hefur náðst viðurkenndur árangur í að koma í veg fyrir losun til frambúðar, til dæmis með því að:
setja upp glaðloftseyðingabúnað
hætta að nota svæfingagös með háan hlýnunarmátt
hætta að nota olíuketil til orkuframleiðslu
orkuskipti bifreiða
efla vistvænar samgöngur
auka flokkun úrgangs.
Þessar aðgerðir hafa dregið úr losun um 40% síðustu ár. Fleiri tækifæri eru til að draga úr losun með beinum aðgerðum og verður áfram áhersla á það í stað kolefnisjöfnunar.
Umhverfisáhrif
Landspítali er einn stærsti vinnustaður landsins með rúmlega 5 þúsund starfsmenn.
Starfsemin er fjölbreytt og umfangsmikil, allt frá innkaupum og byggingarframkvæmdum til ýmiss konar rannsókna og meðferða í heilbrigðisvísindum.
Dæmi um umhverfisáhrif
Spítalinn gegnir mikilvægu hlutverki fyrir heilsu fólksins í landinu en starfsemi hans hefur líka í för með sér heilmikil áhrif á umhverfið. Sem dæmi má nefna að daglegt starf á spítalanum krefst:
mikilla flutninga og ferða
töluvert fellur til af úrgangi
notuð eru lyf og varasöm efni
mikið er keypt af vörum og þjónustu
tækjabúnaður krefst mikils rafmagns
notaðar eru margvíslegar einnota vörur og umbúðir
Allt hefur þetta áhrif á umhverfi og heilsu með einum eða öðrum hætti.
Dregið úr umhverfisáhrifum
Undanfarin ár hefur verið unnið ötullega að verkefnum sem draga úr umhverfisáhrifum.
Áhersla hefur verið á að vinna með starfsmönnum, hagsmunaaðilum og að deila reynslu spítalans.
Starfsmenn hafa verið ötulir liðsmenn, tekið breytingum fagnandi og átt margar góðar hugmyndir.
Reynt er að gera hlutina sem einfaldasta og skýra sé þess kostur, þannig að auðvelt sé að vera umhverfisvænn.
Viðurkenningar og vottanir
2020 – Climate Champion Awards 2020 Health Care without Harm
2020 – Loftslagsviðurkenning 2020 Reykjavíkurborgar og Festu
2020 – Fjögur Græn skref í ríkisrekstri (fyrir Skaftahlíð)
2017 - Sustainable healthcare organizer of the year 2017 á vegum Bonnier Business Media og Nordic Center for Sustainable Healthcare.
2016 - Hjólavottun - silfur fyrir Hringbraut og Fossvog, Landakot, Grensás, Ármúla, Vífilsstaði, Tunguháls, BUGL, Klepp og Blóðbankann
2015 - Kuðungur, umhverfisverðlaun umhverfis- og auðlindaráðuneytisins 2014 fyrir framúrskarandi starf að umhverfismálum
2015 - Svansvottun hjá eldhúsi og matsölum Landspítala
2014 - Samgönguverðlaun Reykjavíkurborgar 2014
2014 - Hjólaskálin - viðurkenning vegna hvatningar til hjólreiða starfsfólks m.a. með uppbyggingu á aðstöðu og samgöngustyrkjum