Bætt lyfja­með­ferð­ar­ferli

Markmiðið er að bæta lyfjameðferðarferlið með notkun gagnreyndra verkfæra til leiðsagnar við ávísun og yfirferð lyfja, að efla aðkomu klínískra lyfjafræðinga og bæta heilsulæsi sjúklinga í fjöllyfjameðferð.

Tilraunaverkefni eru hafin í heilsugæslunni þar sem áhersla er lögð á að klínískir lyfjafræðingar á Landspítala deili sérfræðiþekkingu sinni utan sjúkrahúss.

Efling klínískrar lyfjafræðiþjónustu

Starfshópur frá Landspítala og heilsugæslu vinnur að mótun áætlunar á landsvísu um klíníska lyfjafræðiþjónustu.

Á Íslandi eru of fáir klínískir lyfjafræðingar á Íslandi svo hægt sé að veita víðtækan stuðning við þverfagleg klínísk teymi til að bæta lyfjaöryggi í fjöllyfjameðferð. Í áætluninni er megináhersla lögð á hvernig forgangsraða skuli takmörkuðum mannafla klínískra lyfjafræðinga.

Tilraunaverkefni er nú í gangi á nokkrum heilsugæslustöðvum þar sem klínískir lyfjafræðingar styðja heimilislækna við endurskoðun á lyfjagjöf og niðurtröppun lyfja.

• Frétt á Facebook um samstarf Landspítala og heilsugæslu höfuðborgarsvæðisins um klíníska lyfjaþjónustu

• Myndband á Facebook um samstarfs klínískra lyfjafræðinga á Landspítala og heilsugæslunnar