Samræming lyfja er skilgreint ferli í fimm skrefum (British Medical Journal, 2017):

Verkferli samræmingar lyfja dregur úr lyfjamisræmi við flutning á milli heilbrigðisaðila, sem einnig dregur úr hættu á lyfjatengdum skaða . Nú er verið að staðla og efla slíka framkvæmd hér á landi og verið er að prófa mismunandi aðferðir til að bæta samræmingu lyfjameðferðar:

Sniðmát fyrir samræmingu lyfjameðferðar á sjúkrahúsi.

Nú er verið að gera tilraun með sniðmát til að staðla ferli samræmingar lyfja með læknateymi á Landakoti og lofar árangurinn góðu. Markmiðið er að:

• gera heilbrigðisstarfsfólki kleift að eiga greinargóðar viðræður við sjúklinga um lyfjameðferð þeirra.

• eiga greiðan aðgang að nýjustu lyfjaskrám sjúklinga og breytingum á þeim

• samræma ávísuð lyf með skilvirkari hætti.

Sniðmátið verður síðan reynt víðar fyrir alla sjúklinga sem eru lagðir inn á bráðamóttöku LSH og því síðan dreift til annarra deilda og heilbrigðisstofnana.

Klínískur lyfjafræðilegur stuðningur við samræmingu lyfja.

Einnig er verið að efla stuðning klínískra lyfjafræðinga við samræmingu lyfja á Landspítala. Stefnt er að því að fleiri sjúklingar sem lagðir eru inn á bráðamóttöku á Landspítala fái samræmingu lyfja hjá reyndum lyfjafræðingi innan sólarhrings frá innlögn.

Ítarefni

• Umfjöllun um hugtök og skilgreiningar lyfjasögu og lyfjarýni á íslensku í Læknablaðinu árið 2021.

• Veggspjald: Bætt skráning lyfja við komu, flutning og útskrift (.pdf)

Bætt aðgengi að upplýsingum um það hvaða lyf sjúklingum er ætlað að taka verður mótað og prófað eftir að lausnir sem miða að bættri samræmingu lyfja á Landspítala hafa verið innleiddar. Þetta verður frekar útfært með innleiðingu miðlægs lyfjakorts í gegnum heilsugátt sjúklinga (Heilsuvera).

Verið er að innleiða áreiðanleg upplýsingasamskipti, tengd breytingum á lyfjameðferð, þegar sjúklingar flytjast frá einu heilbrigðisteymi til annars til að lágmarka lyfjamistök við tilfærslu á meðferð og þjónustu.

Flutningur af gjörgæsludeildum á bráðadeildir Landspítala.

Unnið er að bættu aðgengi og uppsetningu læknabréfa frá gjörgæslu við Hringbraut á bráðadeildir.

• Helsta áskorunin er að flytja upplýsingar á öruggan hátt á milli tveggja teyma sem nota mismunandi rafrænar sjúkraskrár og lyfjaávísanakerfi.

• Settir hafa verið staðlar fyrir læknabréf gjörgæsludeilda og nú er verið að prófa lausnir til að draga úr breytileika á gerð þeirra. Umbætur verða síðan innleiddar á öðrum deildum.

Flutningur af bráðadeildum til öldrunarendurhæfingadeilda.

Eldri sjúklingum sem dvelja langdvölum á bráðadeild og flytjast á öldrunarendurhæfingardeildir eru í meiri hættu á að verða fyrir lyfjamistökum á Landspítala

• Eldri sjúklingar taka oft mörg lyf (>10) og líklegt er að lyfjameðferð þeirra sé breytt á sjúkrahúsinu.

• Verkefni er farið af stað til að tryggja að allir sjúklingar fái stöðluð læknabréf frá bráðadeildum til öldrunarendurhæfingardeilda.

• Sniðmát og aðferðir til að tryggja að læknar leggi drög að læknabréfum fyrr í flutningsferlinu (ekki á síðustu stundu) eru í prófun á lyflækningadeildum.

• Lausnum verður komið á framfæri við aðrar deildir þegar í ljós kemur að þær bera góðan árangur.

Unnið er að miðlægu rafrænu lyfjakorti hjá Embætti Landlæknis. Þetta verður til þess að uppfærðar lyfjaávísanir verða á einum og sama staðnum og aðgengilegar öllum læknum landsins.

Miðlægt rafrænt lyfjakort getur lagt grunn að skilvirkari og nákvæmari samræmingu lyfja og lyfjarýni. Um þessar mundir er verið að prófa hugbúnaðinn án nettengingar á einni heilsugæslustöð í Reykjavík.