Sveitarstjórnarkosningar fóru fram 14. maí 2022. Kosið var í 62 sveitarfélögum, í 49 sveitarfélögum var listakosning en óbundin kosning í 13 sveitarfélögum. Í tveimur sveitarfélögum barst aðeins einn framboðslisti og var þar sjálfkjörið.

Þetta voru fyrstu kosningar þar sem landskjörstjórn var starfrækt sem stofnun og kosningarnar þær fyrstu sem fram fóru samkvæmt nýjum kosningalögum sem samþykkt voru árið 2021. Með lögunum var kosningaréttur erlendra ríkisborgara í sveitarstjórnarkosningum rýmkaður, þar sem ríkisborgarar Norðurlandanna fengu kosningarétt um leið og þeir tóku upp búsetu á Íslandi, en ríkisborgarar annarra landa eftir þriggja ára búsetu.

Kjörsókn á landsvísu var 62.8%. Nánar um niðurstöður og tölfræði kosninganna má finna á vef Hagstofunnar.

Hér fyrir neðan má finna afrit af kosningaskýrslum sveitarfélaga.