Fara beint í efnið

Öryggi og réttindi sjúklinga

Sjúklingur á rétt á fullkomnustu heilbrigðisþjónustu sem unnt er að veita og skal taka mið af ástandi hans, horfum og bestu þekkingu. Óheimilt er að mismuna sjúklingi á grundvelli kynferðis, trúarbragða, skoðana, þjóðernisuppruna, kynþáttar, litarháttar, efnahags, ætternis og stöðu.

Réttindi sjúklinga

Sjúklingur á rétt á upplýsingum um eigið heilsufar, batahorfur, fyrirhugaða meðferð og önnur úrræði. Sjúklingur á rétt á að ákveða hvort hann þiggur meðferð.

Mikilvægt er að sjúklingar séu virkir þátttakendur og eftirlitsaðilar þegar kemur að eigin meðferð. Þannig stuðla þeir að öryggi sínu og þjónustan skilar betri árangri.

Sjúkraskrá hvers og eins er ýmist varðveitt á heilbrigðisstofnun eða hjá lækni viðkomandi. Ef sjúklingur eða umboðsmaður hans vilja sjá sjúkraskrá eða hluta hennar er heilbrigðisstarfsmanni skylt að sýna hana.

Ráðleggingar til sjúklinga

Margt er hægt að gera til að efla eigið öryggi í heilbrigðisþjónustu, taka virkan þátt í og fylgjast vel með eigin meðferð eftir því sem ástand sjúklings leyfir og stuðla þannig að eigin öryggi og gæðum þjónustunnar.

Öryggi í heilbrigðisþjónustu

Trúnaðar- og þagnarskylda

Allir starfsmenn heilbrigðisþjónustunnar eru bundnir þagnarskyldu gagnvart sjúklingi. Undantekningu má gera ef ljóst þykir að þagnarskylda valdi meiri skaða en að rjúfa hana.

Vert að skoða

Þjónustuaðili

Embætti land­læknis