Einstaklingar eiga rétt á upplýsingum um gögn um þá sjálfa, sem vistuð eru hjá embætti landlæknis undir persónuauðkennum, hvort sem þau eru dulkóðuð eða ekki.
Til þess að tryggja öryggi persónuupplýsinga þarf að sýna gild persónuskilríki, gefin út af opinberum aðila, þegar beiðni er lögð framog við afhendingu gagna.
Hvaða persónugreinanlegu upplýsingum er safnað hjá embætti landlæknis?
Safnað er upplýsingum um starfsemi heilbrigðisþjónustunnar, þ.e. um þá þjónustu sem einstaklingar fá í heilsugæslustöðvum, á stofum sjálfstætt starfandi sérfræðinga og á sjúkrahúsum/heilbrigðisstofnunum. Þá er safnað upplýsingum um lyfjaávísanir einstaklinga.
Upplýsingum um menntun heilbrigðisstarfsmanna er safnað í tengslum við útgáfu starfsleyfa og staðfestingu á rekstri. Jafnframt eru vistuð hjá embættinu gögn um heilbrigðisstarfsmenn í tengslum við kvartanir sem einstaklingar beina til landlæknis vegna veitingu heilbrigðisþjónustu.
Í málaskrá er haldið utan um starfsemi embættisins, til að mynda innsend erindi, útgefin starfsleyfi, kvartanir notenda heilbrigðisþjónustu og umsóknir um gögn til vísindarannsókna.
Ísland.is notar vefgreiningarforrit frá Plausible til þess að greina notkun á vefsíðu stofnunarinnar. Tilgangur þess er að fá fram tölfræðiupplýsingar sem notaðar eru til að betrumbæta og þróa vefsíðuna og þær upplýsingar sem þar eru birtar. Þessar upplýsingar varpa til dæmis ljósi á það hversu margir notendur opna tilteknar undirsíður á vefsíðunni, hversu lengi þær eru skoðaðar, hvaða efni notendur leita að í leitarvélinni á síðunni, frá hvaða vefsíðum notendur koma inn á síðuna og hvers konar vafra þeir nota til að skoða hana. Engum persónugreinanlegum upplýsingum er safnað í þessu skyni.
