Foreldri barns sem búsett er hér á landi getur óskað eftir að Tryggingastofnun greiði meðlag með barninu eftir að meðlagsákvörðun liggur fyrir.

Foreldrum er skylt að framfæra barn sitt og skal framfærslunni hagað með hliðsjón af högum foreldra og þörfum barns.

Meðlag tilheyrir barni og á að nota í þess þágu en það foreldri sem fær meðlag með barni sínu tekur við greiðslum þess í eigin nafni.

Barnalífeyrir er greiddur með börnum yngri en 18 ára ef annað hvort foreldra er látið eða með örorku-, ellilífeyri eða sjúkra- og endurhæfingargreiðslur.

Samkvæmt íslenskum lögum er barni tryggð lágmarks framfærsla.

Við ákveðin tilefni þykir eðlilegt að meðlagsskylt foreldri greiði framlög til viðbótar reglubundnu meðlagi.

Foreldragreiðslum er ætlað að tryggja framfærslu þegar foreldri getur ekki sinnt vinnu eða námi vegna umönnunar langveiks eða fatlaðs barns yngra en 18 ára.

Ef meðlagsgreiðandi hefur fjárhagslegt bolmagn til að greiða hærra en einfalt meðlag getur sýslumaður eða dómari úrskurðað um það.

Við sambúðarslit fólks sem ekki á börn saman nægir að tilkynna um breytt heimilisfang til Þjóðskrár Íslands.