Tillaga Gunnars Karls Thoroddsens, nema í Listaháskóla Íslands, varð hlutskörpust í samkeppni um hönnun kennimerkis fyrir verkefnið Peatland LIFEline. Hin sex ára gamla Marey Ólafía Kristinsdóttir fékk einnig viðurkenningu fyrir skemmtilega teikningu sem var innblástur vinningsmerkisins. 

Forstjóri Heilsugæslu höfuðborgarsvæðisins kallaði eftir því í grein í tímariti Sameykis að atvinnurekendur og stéttarfélög sameinist um að fella út ákvæði um staðfestingu læknis á skammtímaveikindum úr kjarasamningum.

Frá og með október hefst gjöf nirsevimab (Beyfortus®) til allra ungbarna undir sex mánaða aldri hér á landi. Þetta er í fyrsta sinn sem boðið er upp á almenna forvörn gegn RS-veirusýkingum fyrir öll ungbörn á Íslandi.