Á þessum árstíma eru ökumenn gjarnan farnir að „kitla pinnann“ og þess hafa sést greinileg merki í umferðinni undanfarna daga. Rúmlega 150 ökumenn hafa verið teknir fyrir hraðakstur víðsvegar í umdæminu á einni viku eða svo og eru þá hraðakstursbrot úr myndavélabíl embættisins ekki talin með.

Mikið álag hefur verið á Landspítala vegna gríðarlegrar hálku sem var á höfuðborgarsvæðinu í vikunni. Þriðjudaginn 20. janúar komu alls 90 einstaklingar á bráðamóttöku spítalans vegna hálkuslysa, þar af 20 börn og 28 sem voru 65 ára og eldri.