Útgjöld til rannsókna og þróunar héldu áfram að aukast á árinu 2022 og námu rúmlega 100 milljörðum króna.

Á tíundu ráðherraráðstefnu samstarfsvettvangsins Forest Europe var ritað undir yfirlýsingu 46 Evrópuþjóða um sjálfbæra skóga fyrir viðnámsþolin samfélög. Forstöðumaður Lands og skógar undirritaði yfirlýsinguna fyrir Íslands hönd. Á ráðstefnunni var meðal annars áberandi sú aukna áhersla sem lögð er á notkun timburs í húsbyggingum en einnig kom fram að skógar eru nú tilteknir sem nauðsynlegir innviðir í varnaráætlunum Evrópulanda.

Stjórn Rannsóknasjóðs hefur lokið við úthlutun styrkja til nýrra rannsóknaverkefna fyrir árið 2026. Alls bárust 414 gildar umsóknir í Rannsóknasjóð og voru 70 þeirra styrktar eða 17% umsókna.