Kílómetragjald á ökutæki
Gjald fyrir bifreiðar (undir 10 tonn)
Gjald
Kílómetragjaldið er 6,95 kr. á hvern kílómetra fyrir almennar fólksbifreiðar og jeppa undir 3,5 tonn.
Gjaldið er stighækkandi eftir því sem bifreiðin er þyngri.
Gjaldskyldar bifreiðar
Greiða skal kílómetragjald af öllum skráningar- og skoðunarskyldum bifreiðum. Undir það falla ökutæki sem eru:
vélknúin og aðallega ætlað til farþega- eða farmflutninga
yfir 400 kg að eigin þyngd án rafgeyma sé það rafknúið
hönnuð til að aka hraðar en 30 km/klst
Ökutæki undanþegin kílómetragjaldi
Nokkrar tegundir ökutækja eru undanþegin greiðslu kílómetragjalds, þar á meðal:
Ökutæki björgunarsveita sem eru sérmerktar og eingöngu notaðar í þágu þeirra.
Ökutæki með fyrstu skráningu 1. janúar 1965 eða fyrr og sýnt er fram á að ökutæki hafi aldrei verið með akstursmæli, ekki sé hægt að koma akstursmæli fyrir eða ekki sé hægt að lagfæra hann.
Ökutæki erlendra sendiráða sem eru merkt sem slík í ökutækjaskrá eða með viðeigandi skráningarmerki.
Ertu með fyrirspurn um kílómetragjald? Sendu okkur línu á km@skatturinn.is
Þjónustuaðili
Skatturinn