ekki leigð út til tengdra aðila (maka, barna eða nákominna ættingja)
Skráning ökutækja aftur á kílómetragjald
Skilyrði fyrir því að færa ökutæki úr daggjaldi yfir á kílómetragjald eru að ökutæki séu:
búin að vera skráð á daggjald í að lágmarki 15 daga
Framkvæmd skráningar
Bílaleiga þarf að skrá hjá ríkisskattsstjóra:
þau ökutæki sem óskað er eftir að daggjald verði greitt af eigi síðar en sjö virkum dögum fyrir gjalddaga bráðabirgðagreiðslu kílómetragjalds. Skráning tekur gildi næsta dag.
stöðu kílómetramælis á öllum ökutækjum sem gera skal breytingu á
Uppgjör
Skila skal skýrslu vegna daggjalds til ríkisskattstjóra eigi síðar en á 15. degi næsta mánaðar eftir lok greiðslutímabils.
Ef skýrslu er ekki skilað á tilskildum tíma, er álagning miðuð við að ökutæki hafi verið samfellt í útleigu á greiðslutímabili.
Gjalddagi daggjalds
Gjalddagi daggjalds hjá bílaleigum er fyrsti dagur annars mánaðar eftir lok greiðslutímabils og eindagi 14 dögum síðar.
Hér er dæmi um hvernig ferlið virkar fyrir ökutækjaleigu sem vill skrá ökutæki á daggjald og síðan aftur yfir í almennt kílómetragjald:
1. Skráning á daggjald (1. júní) Bílaleigan ákveður að fólksbíll sem skuli fara á daggjald vegna margra stuttra leigusamninga sem framundan eru í júnímánuði.
Tilkynning: Leigan sendir rafræna tilkynningu til ríkisskattstjóra þann 1. júní.
Gildistaka: Breytingin tekur gildi 2. júní (daginn eftir skráningu).
Kostnaður: Frá og með 2. júní greiðir leigan 1.390 kr. fyrir hvern byrjaðan dag sem bíllinn er í útleigu (svo fremi sem hver leigusamningur sé 30 dagar eða styttri).
2. Tímabil á daggjaldi (2. júní - 16. júní)
Lágmarkstími: Bíllinn verður að vera skráður á daggjaldi í að minnsta kosti 15 daga áður en hægt er að breyta honum aftur. Þessi bíll uppfyllir það skilyrði þann 16. júní.
3. Skráning til baka á kílómetragjald (17. júní) Leigan ákveður að bíllinn fari aftur á hefðbundið kílómetragjald (til dæmis vegna þess að hann er nú að fara í langtímaleigu).
Tilkynning: Leigan skráir breytinguna hjá ríkisskattstjóra þann 17. júní.
Skráning kílómetrastöðu: Aftur verður leigan að skrá kílómetrastöðu við breytinguna (til dæmis 52.500 km).
Frestur: Tilkynningin verður að berast ríkisskattstjóra að minnsta kosti sjö virkum dögum fyrir næsta gjalddaga bráðabirgðagreiðslu (sem er 1. júlí).
Gildistaka: Bíllinn fer aftur á kílómetragjald (6,95 kr. á hvern ekinn km) þann 18. júní.
4. Uppgjör
Leigan skilar skýrslu fyrir 15. júlí þar sem fram kemur fjöldi útleigudaga á tímabilinu 2. - 17. júní.
Álagt daggjald fyrir þessa daga telst vera endanleg álagning kílómetragjalds fyrir þetta tiltekna tímabil.
Lágsmarkstíðni skráninga kílómetrastöðu
Bílaleigur mega skrá kílómetrastöðuna hvenær sem er en þeim er skylt að skrá að lágmarki á sex mánaða fresti.
Ef ökutækið er 10 tonn eða þyngra, þarf skráningin að eiga sér stað að minnsta kosti einu sinni á ári hjá faggildri skoðunarstofu.
Áætlun um meðalakstur
Ef skráningu kílómetragjalds er ábótavant er miðað við áætlun ríkisskattstjóra um meðalakstur á dag fyrir ökutækjaleigur:
Ef ein skráning liggur fyrir: 150 km.
Ef skráning er í vanskilum: 225 km.
Virðisaukaskattur og kæruleiðir
Kílómetragjald, þar með talið daggjald og fast akstursgjald, myndar ekki gjaldstofn til virðisaukaskatts að þeim skilyrðum uppfylltum að það sé aðgreint frá leiguverði á sölureikningi, tilgreint sérstaklega og leigutaki rukkaður um það án álags.
Umsýslugjald eða annað sambærilegt gjald sem bílaleiga kann að leggja á vegna innheimtu kílómetragjalds eða daggjalds, er ekki undanþegið virðisaukaskatti. Slíkt gjald myndar því gjaldstofn til virðisaukaskatts.
Í þeim tilfellum þar sem bílaleiga rukkar kílómetragjald fyrirfram miðað við áætlaða keyrslu, en leigutaki keyrir svo minna en áætlað var, þarf bílaleigan að gefa út kreditreikning og endurgreiða mismuninn. Sé mismunur ekki endurgreiddur myndar hann gjaldstofn til virðisaukaskatts.
Álagning kílómetragjalds, þar með talið daggjald, fasts akstursgjalds og vanskráningargjalds er kæranleg til ríkisskattstjóra innan 30 daga frá dagsetningu tilkynningar.
