Leiðbeiningar við útfyllingu á útflutningsskýrslu
Þjónustuaðili:
Útflutningsskýrsla er lögboðið skjal við sérhvern útflutning í atvinnuskyni. Hægt er að skila henni rafrænt eða á pappír, eyðublað E-2.1
Ef þú ert með heimild til rafrænnar tollafgreiðslu sendir þú skýrsluna rafrænt beint til Skattsins. Ef ekki, skilarðu útfylltu E-2.1 eyðublaði við tollstöð.
Reitir sem ekki koma fram í leiðbeiningum eru ekki notaðir við útflutning.
Vörur, tollflokkun og verð - reitir 31 til 47
Reitir 31 til 47 gilda um hvert tollskrárnúmer fyrir sig. Nota framhaldseyðublað E-2.2 eða E-2.4 þegar sending inniheldur fleiri en þrjú tollskrárnúmer.
Færðu eftirfarandi í röð:
Vörulýsing – almenn viðskiptalýsing sem svo skýr er að vöruna megi þekkja og flokka
Merki og númer á umbúðum
Fjöldi og tegund umbúðaeininga
Gámanúmer ef vara er flutt í gámi (11 stafir, allt að 30 gámanúmer)
Ef gámanúmer rúmast ekki: skrifaðu 'Sjá farmbréf'.
Gerð svæðis: Vörulýsing (a..40), Merki og númer (a..40)
Raðnúmer vöruliðar í óslitinni röð.
Ef aðeins er eitt tollskrárnúmer: hafðu reitinn auðan og settu 1 í reit 5.
Gerð svæðis: (n..3)
8 stafa númer úr íslensku tollskránni. Fyrstu 6 stafir fara í vinstri hluta reitsins, stafir 7 og 8 í hægri hluta.
Gerð svæðis: (a8)
E-6 (20)
Tveggja stafa landslykill þess lands þar sem varan er upprunnin.
Aldrei fylla út reit 34b.
Gerð svæðis: (a2)
E-6 (9)
Þyngd vöruliðar með öllum umbúðum, án gáma og flutningsbúnaðar, í heilum kílógrömmum.
Gerð svæðis: (n..13)
E-6 (18)
Tveggja stafa tala sem segir til um tollmeðferð útflutningsvöru.
Venjulegur útflutningur | Lykill |
|---|---|
Sala á íslenskri vöru til útlanda | 10 |
Vörur sendar án endurgjalds, gjafir, prentvara o.fl. | 11 |
Búslóðir og farangur | 12 |
Bifreiðar á íslenskum númerum | 13 |
Vörur til sendiráða og ræðismanna | 14 |
Endurseldar vörur | |
Áður innfluttar vörur endurseldar til útlanda | 15 |
Tímabundinn útflutningur | |
Vara til tímabundinna nota erlendis í allt að 12 mánuði (á sýningu, til kynningar, í vísindaskyni, að láni) | 20 |
Vara send til útlanda til aðvinnslu, þó ekki spunavara, sbr. lykil 23 | 21 |
Vara send til útlanda til viðgerðar | 22 |
Spunavara send til útlanda til aðvinnslu | 23 |
Endursendar vörur | |
Áður innfluttar vörur endursendar til útlanda, t.d. vegna ábyrgðar | 30 |
Önnur endurútflutt vara | |
Vara endurútflutt eftir aðvinnslu á Íslandi | 31 |
Vara endurútflutt eftir viðgerð á Íslandi | 32 |
Vara endurútflutt eftir aðvinnslu á Íslandi og endurgreiðslu eða niðurfellingu tolla | 33 |
Vara endurútflutt úr tollvörugeymslu | 34 |
Önnur vara endurútflutt eftir tímabundinn innflutning, t.d. sýningarvörur | 35 |
Gerð svæðis: (a2)
Þyngd vöruliðar án ytri umbúða, í heilum kílógrömmum.
Gerð svæðis: (n..13)
E-6 (22)
Hér skal færa inn lykil magntölu og þar á eftir magntölur með tveimur aukastöfum, eftir því sem við á:
stykkjatölu (STK),
rúmmetratölu (RUM),
lítratölu (LIT),
prósentustyrk áfengis (PRO),
paratölu vörutegunda (PAR), eða
sérgreinda nettóþyngd vegna rafgeyma (NET), sbr. auglýsingu nr. 632/1997 um skráningu einingartölu vara í aðflutnings- og útflutningsskýrslum.
Beri að gefa upp fleiri en eina magntölu vegna vöru í sama tollskrárnúmeri skal færa þær fyrir neðan í reit 44.
Gerð svæðis: (n..11,2)
Færið hér inn í eftirfarandi röð og haldið aðgreindu:
Númer vörureikninga.
Þegar leggja þarf fram við útflutning skírteini, leyfi eða vottorð vegna sérstakra fyrirmæla í lögum eða öðrum stjórnvaldsfyrirmælum, t.d. af öryggisástæðum, heilbrigðisástæðum eða vegna framleiðslu, skal gerð grein fyrir því í þessum reit.
Til þess að njóta fríðinda vegna þeirra fríverslunarsamninga sem Ísland hefur gert verða útflytjendur t.d. að leggja fram ásamt tollskýrslunni sérstakt flutningsskírteini, EUR.1 eða yfirlýsingu á vörureikningi til staðfestingar á uppruna varanna. Færa skal í þennan reit í því tilviki þriggja bókstafa skammstöfun fyrir skírteinið, bókstafinn A og númer þess þar fyrir aftan (dæmi: EURA123456) en orðið: Yfirlýsing ef upprunayfirlýsing er gefin á vörureikningi. Hliðstæðar reglur gilda varðandi önnur skírteini, leyfi eða vottorð.
Hafi viðkomandi útflytjanda verið veitt sérstök undanþága frá greiðslu gjalda, t.d. tollar verið felldir niður af innfluttri efnivöru til framleiðslu á tiltekinni vöru, skal útflytjandi vísa hér í heimildina.
Sjá nánar um tilvísanir í skírteini, leyfi eða vottorð í Tollskrárlyklum.Færið hér inn lykilinn SNI og þar á eftir fast númer skráningarskyldra ökutækja sem Samgöngustofa gefur hverju nýju skráningarskyldu ökutæki, en SNE og þar á eftir skráningarnúmer ökutækis sem skráð er erlendis.
Færið hér inn lykilinn ANR vegna vöru sem send er utan til viðgerðar og þar á eftir auðkennisnúmer hennar, t.d. framleiðslunúmer.
Frá og með 1. september 2012 ber að færa hér inn leyfisnúmer framleiðanda sjávarafurða, eftir því sem við á, ásamt viðeigandi leyfislykli. Framleiðandi er eftir atvikum skilgreindur sem vinnslufyrirtæki, veiðiskip eða eldisstöð. Leyfisnúmer framleiðanda eru skilgreind eftir atvikum á grundvelli samþykkisnúmers vinnslufyrirtækis frá Matvælastofnun, skipaskrárnúmers veiðiskips frá Samgöngustofu eða rekstrarleyfisnúmers eldisstöðvar frá Fiskistofu.
Hér á að færa inn annan hvorn leyfislyklanna SFA eða SFB og þar á eftir fyrrgreint leyfisnúmer framleiðandans. Eftirfarandi reglur gilda um leyfislyklana og leyfisnúmer framleiðenda:
Sérregla: Flytji vinnsluleyfishafi út óunninn afla, telst vinnsluleyfishafinn vera framleiðandi en ekki veiðiskipið.
Ef um er að ræða óunnar sjávarafurðir, á að tilgreina veiðiskip með því að færa hér inn leyfislykilinn SFB og þar á eftir skipaskrárnúmer Samgöngustofu (IS-númer), sem veiðiskipið ber (sjá þó sérreglu hér á eftir).
Ef um er að ræða unnar sjávarafurðir, á að tilgreina vinnslustöð með því að færa hér inn leyfislykilinn SFA og þar á eftir samþykkisnúmer MAST, sem vinnslustöðin ber.
Ef um er að ræða unnar sjávarafurðir úr eldi (á við um slægðan og óslægðan fisk), á að tilgreina eldisstöð með því að skrá leyfislykilinn SFB og þar á eftir rekstrarleyfisnúmer Fiskistofu.
Skráningunni í reitinn ber að haga svo að leyfisnúmerið sé skráð við hverja vörulínu í útflutningsskýrslunni frá hverjum einstökum framleiðanda. Sundurliða ber fiskafurðirnar á þann hátt að útflutningur hvers framleiðanda sé rekjanlegur eftir leyfisnúmeri og tollskrárnúmeri.
Hver vörulína í útflutningsskýrslu má aðeins taka til eins og sama leyfisnúmers.
Fleiri en ein vörulína í skýrslu geta borið sama leyfisnúmer.
Skráið viðeigandi leyfislykil og leyfisnúmer við hverja vörulínu. Dæmi:SFA A123 eða SFB IS-4567.
Ítarlegri upplýsingar um útflutning sjávarafurðar í kafla 6.
Athugið að alls ekki má rita í reitshlutann sem auðkenndur er með orðinu: Vu-lykill.
Gerð svæðis:
Reikningsnúmer 30x(a..11)
Leyfi, vottorð o.fl. (a3) og tilvísun 15x(a..14)
Lykill (a3) og skráningarnúmer (a..14)
Lykill (a3) og auðkennisnúmer (a..14)
Lykill (a3) og leyfisnúmer (a..8)
E-6 (14)
Tilgreina skal hér FOB verð tollskrárnúmersins í reit 33 í þeirri mynt sem tilgreind er í reit 22. Samtala reita 46 mynda heildar FOB verð sendingarinnar sem skal vera sama tala og í reit 22 +/- talan í reit 28.
Dæmi:
Sé vara seld CIF erlend höfn skal flutningskostnaður, vátryggingariðgjald og annar kostnaður dreginn frá áður en upphæð er færð í reitinn.
Sé vara seld EXW skal bæta við kostnaði við að koma vörunni um borð í útflutningsfar.
Sé vara metin til tolls skal færa matsverð hér inn í íslenskum krónum.
Sé um að ræða vöru sem er endurútflutt eftir viðgerð eða aðra aðvinnslu og varan breytir ekki svo eðli sínu að úr verði ný vara, skal setja hér viðgerðar- eða aðvinnslukostnað að viðbættum öðrum kostnaði við að koma vörunni um borð í útflutningsfar.
Sé um að ræða vöru sem endurútflutt er eftir aðvinnslu skal gefa upp fullt FOB verð vöru, þ.e. innflutningsverð vöru að viðbættum aðvinnslukostnaði og kostnaði við að koma henni um borð í útflutningsfar.
Sé um að ræða vöru sem send er utan til viðgerðar eða annarrar aðvinnslu og sem verður seinna endurinnflutt, skal gefa upp FOB verð eins og um venjulegan útflutning væri að ræða.
Gerð svæðis: (n..11,2)
E-6 (23)