Upptaka af málþingi Persónuverndar — aðgengileg til loka febrúar nk.

Þann 28. janúar hélt Persónuvernd málþingið „Gagnamenning og öryggi persónuupplýsinga í nútímasamfélagi“. Málþingið var haldið í tilefni alþjóðlega persónuverndardagsins og var mjög vel sótt en alls skráðu 197 manns sig á þingið, sem staðfestir mikinn áhuga á málefninu og mikilvægi þess. Á málþinginu var rætt um ýmis álitamál er varða netöryggi, öryggi persónuupplýsinga og nýjar áskoranir í ljósi örrar þróunar tækninnar og breytinga í skipan heimsmála.

Málþingið var haldið í samvinnu við erlendan og íslenska sérfræðinga sem deildu þekkingu sinni og skoðunum með þátttakendum.

Það var góð stemning á viðburðinum og mikill áhugi á umræðuefnunum. Þau sem misstu af málþinginu geta nálgast upptöku af því á vef Persónuverndar. Upptakan verður aðgengileg í 30 daga, eða til loka febrúar næstkomandi.

Viðburðurinn var einnig áminning um mikilvægi þess að standa vörð um persónuvernd og hvetja til áframhaldandi umræðu og fræðslu á því sviði.

Upptökunni er skipt í tvo hluta fyrir og eftir hlé samkvæmt dagskrá málþingsins.

Upptaka af málþingi Persónuverndar 2025 - fyrri hluti.
Upptaka af málþingi Persónuverndar 2025 - seinni hluti.

Dagskrá málþingsins má nálgast hér.