Stolið ökutæki – DP-280 – Land Cruiser 70

Lögreglan á höfuðborgarsvæðinu leitar að jeppa sem stolið var frá Hvassaleiti, þann 11.september sl. eða aðfararnótt þess 12. Um er að ræða hvítan Toyota Land Cruiser 70, skráningarnúmer DP-280, en bílinn má sjá á meðfylgjandi mynd. Þess ber að geta að á hliðum bílsins er merkingar þar sem stendur: „Arctic Trucks“. Mögulegt er að sett hafi verið önnur skráningarmerki á bifreiðina.

Þeir sem geta veitt upplýsingar um málið eru vinsamlegast beðnir um að hafa samband við lögregluna, td.í gegnum einkaskilaboð á fésbókarsíðu Lögreglunnar á höfuðborgarsvæðinu. Sjái fólk bifreiðina, kyrrstæða eða á ferð, skal hringja strax í 112.