Staðfesting á breytingu á aðalskipulagi Dalvíkurbyggðar vegna vatnstanks við Upsa

Skipulagsstofnun staðfesti, 19. júní 2025, óverulega breytingu á Aðalskipulagi Dalvíkurbyggðar 2008-2020, sem samþykkt var í bæjarstjórn 29. apríl 2025.

Í breytingunni felst að landnotkunarreitur 504-I er stækkaður um 0,3 ha til vesturs og breyting er gerð á skipulagsákvæðum, en gert er ráð fyrir miðlunartanki vatnsveitu þar sem uppbygging verður skv. deiliskipulagi.

Málsmeðferð var samkvæmt 2. mgr. 36. gr. skipulagslaga.

Hægt er að nálgast aðalskipulagsbreytinguna í Skipulagsgátt og á Skipulagsvefsjá Skipulagsstofnunar þegar breytingin hefur öðlast gildi með birtingu í B-deild Stjórnartíðinda.